.
📌香煎雞扒配忌廉芝士竹炭漢堡及薯條 $60
最最最最推介一定係個漢堡包🍔上下兩塊竹炭包烘到好脆 包身軟熟 冇比啲汁整淋 擺左勁耐咬落去都仲好脆🖤雞扒高質 煎到脆脆地 食落唔油 但唔會乾身好滑 而且超大塊好厚身🐔最驚喜係唔只有芝士片 仲有埋忌廉芝士🧀再加埋芝麻醬 成個combination好惹味🤤漢堡仲夾住好多菜 食落好fresh 唔會漏✨超足料好大個 一啖係唔會咬得晒😝食埋旁邊大大兜薯條 一定夠飽🍟
.
📌忌廉蕃茄汁配半殼青口·雜海鮮·意大利飯 $72
呢個risotto都好高質🤩個汁好creamy 味道啱啱好 唔會太濃奶味 番茄酸酸地🍅飯粒都好煙韌爽口 粒粒分明😚果然酒店大廚係唔同啲🥰海鮮都幾豐富 有魷魚, 八爪魚, 蟹柳, 青口🦑🐙仲加左啲茄子同蘑菇一齊煮🍆🍄每一啖都係餡 口感好豐富😎呢個價錢 仲包一杯野飲 真係抵到爛‼️
.
📌蛋沙律焗薯 $38
個薯仔好有份量 面頭啲蛋沙律都超多😍但冇睇錯 真係$40都唔洗🤑薯仔唔會焗到好乾🥔蛋沙律就正常味道🥚幾鍾意佢冇加到好多蛋黃醬 食落冇咁滯❤️
.
📌荔枝梳打 $39
味道唔會好甜 荔枝味都夠😋配埋凍冰冰嘅梳打水 夏天飲最啱🙌🏻
.
📌花茶 $33
上次嚟都飲左😌花香味好夠🌸
.
📌白桃烏龍茶
係跟餐配嘅飲品☕️白桃味好濃 係用左白桃糖漿唔係 白桃茶 所以味道偏甜🍑
