大瀛喜日本料理 (已結業)

約埋個friend食放題，但唔想食太貴嗰D，一定要有甜品雪糕食，我Book呢間，夠平，閒日二百頭，之前食過，幾好!其實我揀呢間原因除了平D，重有係上菜都快，D侍應服務幾好，因為我曾經在尖咀食放題，侍應態度差，谷到一肚氣! 刺身合格，食得過，當然呢個價一定食唔到AA級刺身，但日最好吃足帶子，甜蝦和劍魚，三文魚麻麻。我覺得呢間D火灸夀司最好食，醬燒珍寶蟹棒，香蒜牛油大蝦和濕燒帆立貝，鹽燒三文魚也好好食，如要食三文魚，揀火灸好過刺身。而卷物有新野出咗韓式泡菜卷好開胃，好食呀!手卷必食係海膽，狂叫呢! 其他D串燒，炸物，一品料理都OK，我幾Buy呢度D沙律小吃，柚子大蝦和田園沙律D菜好新鮮，食下菜健康D。至於西式甜品，我地好滿意佢地自助，那天法式燉蛋，朱古力慕絲，紫薯藍莓慕絲好好食，水準拍得住酒店，雪糕係牛奶公司，都好叫有得食，食了兩杯芒果呀。