勝手 (已結業)

已經有一段時間沒有食過高級日本菜，選擇了很久之後決定同朋友到此勝手食二人餐，食材比較高級故此價錢亦偏高。二位用的這個套餐盛惠＄1680湯底總共有四款選擇，我就選擇了𩶘魚，味道比較清甜。透明之中帶點白色，非常清新。首先前菜是花螺和蘿蔔，花螺大大隻而且沒有沙，非常有肉地，咬起來彈牙亦不廢力。 蘿蔔咸中帶甜，醃料味道帶出兩款層次，而且煮得夠稔，可謂一款開胃前菜。主食當中有北海道毛蟹，鹿兒島西冷和牛A5。傳說中嘅毛蟹有少少似魚，主要係食嫩滑嘅質感，所以同平時食嘅大閘蟹同埋大肉蟹都好唔同！如果燒嚟食嘅話係第二種滋味，今次shabu shabu用咗佢特別鮮甜。鹿兒島A5和牛真係名不虛傳，只係睇脂肪分布和色澤已經贏了成條街，普通放題打邊爐的肥牛大概估計幾十碟抵一碟，幾乎入口即溶，肥而不膩，點上豉油或者花生醬也不錯！什錦蔬菜拼盤非常豐富，而且材料新鮮很乾淨。有皇帝菜、椰菜、冬菇、生菜等等，加上湯底又有蟹的鮮味，精華都吸好 ！葛絲就是日本的粉絲，用葛整成，色澤晶凝通透而且口感煙韌。成功吸了湯底的鮮味道最後以綠茶紅豆奶凍作結，味道清新又小甜，作為完美的句號。