川之源

營業中

休息中

週末時間一於喺屋企附近食個午餐屋企人話好耐冇食過川菜就嚟呢度食啦！佢有散叫同埋二人套餐 我哋因為唔想諗就叫咗個二人套餐 $288仲要免加一！！已經包一個前菜主菜丶一碟蔬菜丶白飯同埋甜品其實都幾豐富！特色前菜叫咗涼拌木耳 都幾大碟又夠爽口 主菜就有三款唔同嘅魚片 不同煮法，有水煮丶酸菜同蕃茄 我哋就叫咗水煮魚片又麻又辣食得好過癮 魚片超級滑熱菜就叫咗手撕包菜新鮮翠綠 炒得好好 簡簡單單 好好食配上白飯 一定食得飽食完之後仲送上甜品 桂花冰粉 口感滑溜 配上桂花嘅清甜係夏天食 非常透心涼呢間餐廳簡單小店 但係食物質素非常好非常值得推介！