亂炒一通 (已結業)

今晚往葵興探朋友，後帶領我哋去一間小炒店吃晚飯。店名好有趣叫«亂炒一通»。店鋪唔算大間，但座位間冇壓迫感。坐底看過餐牌，有火鍋，小菜及燉湯，仲有啲特式嘅豬油撈飯，兒時嘅回味返晒來。後點咗幾款小菜及一個小食送酒。爽脆鯇魚皮碟頭幾大，鯇魚皮新鮮爽脆冇腥味，仲有香脆花生墊底，點著醬油齊吃飲酒極滋味，好少餐館有這款小食供應，好吃啊。頭抽乳鴿比一般乳鴿大隻，頭抽味道啱啱好唔太咸，肉質煙韌有口感，相比炸乳鴿又另類吃法。黃金蝦蝦隻好大件炸到脆脆，被咸蛋王包住，食落咸香連蝦売都食埋，蝦肉新鮮爽脆，又是送酒最佳拍檔。脆炸豆腐炸得香脆，上碟時又喺咁油膩，外皮香脆，內裏好似牛奶咁滑溜，點住嗰泰式醬好好食。用簡單食材，做到一道咁完美嘅菜式，真的讚吓師傅嘅功夫。豬油渣炒豆苗豆苗炒得滑溜，豬油渣鋪滿面，食落幾香口，比一般雞油炒仲冇咁多油，幾特別嘅做法。這頓晚吃得開心又滿足，朋友真的好介紹。