乾隆古法秘製雞煲

營業中

休息中

招牌乾隆古法幹雞煲，雖然唔知點解個名咁長，但係呢個雞煲已經食過好幾次。今晚全店滿座，好彩有枱客走左，如果唔係又唔知要等幾耐。今晚邀請埋三個朋友一齊食，所以叫中辣同全隻雞。唔洗五分鐘，師傅將已煮好嘅雞煲放落個Gas爐上面，跟住佢打開蓋，用湯殼攪幾攪話食得了。雞件非常多，每件啖啖肉（除左頸之類既野），每件雞件好入味，明顯地全隻雞之前用特別醃料醃過，味覺上真有麻辣感，食完個雞煲經已半飽。跟住有位靚姐係雞煲度落湯，我哋就等湯煲滾。期間我哋就點其他餸，有西洋菜、油麥菜、白蘿蔔、海帶、韮菜餃 、響鈴、枝竹、脆鯇腩、鵝腸、雞潤等。所有蔬菜新鮮但西洋菜有啲老，而鵝腸同雞潤就覺得不太新鮮。雖然環境同服務唔可以同大集團相比，反而我覺得依種環境較為舒服，有類似大排檔嘅風味。由於冇靚靚嘅裝修，因此價錢相對廉宜，值得一試。