十六座車仔麵

營業中

休息中

店名很有親切感很本土， 相信只有老餅土炮才知道以前的公屋是第幾座第幾座的, 現在的都已經改成XX樓了。其實店名很切合車仔麵, 因為都是香港本土特色!  本以為裝修以公屋籃本設計的, 但原來不是。裝修都是以簡潔為主，最大的特色應該是那個裝order紙的鐵皮信箱吧!  最欣賞餐廳是用order紙, 用筆在過了膠的紙上劃，可以循環再用(唔加價的話)，夠哂環保!老公最鍾意大堆頭，什麼4寶5寶6寶8寶就最啱佢，所以就要咗個指定的5餸麵另加豬大腸。因為我唔食內臟，所以只係試咗個蝴蝶腩。唔un，但就瘦得濟。我就要咗自家製韮菜燕餃，金沙青同鹵水雞翼，仲加埋辣汁同腩汁。燕餃是細細粒的，口感實淨，但得3粒就真係少得濟。金沙青非常爽口，雞翼亦鹵得好入味!  湯底不是味精湯，食得出有少少清甜，又起碼食完都無口渴。辣汁除了辣及惹味亦帶香味。最可惜的是豆漿很淡沒有豆味，下次都係飲佢地自家煲嘢飲好了。