更多
2020-01-02
257 瀏覽
呢日行過深水埗想食雞煲，又唔想等到返荃灣先食，同男朋友Openrice見到呢間豐鍋雞煲火鍋，見佢幾企理，門面又有打卡位就決定一試。一坐低我哋就叫咗半隻麻辣雞煲小辣，之後就點左兩杯嘢飲。兩杯嘢飲幾有驚喜，平時叫親啲類型飲品總係嫌個味道太過化學或者太過重手，但係呢兩杯味道岩岩好。粉紅色嗰一杯係玫瑰柚子茶，後面紫色好靚嗰杯就係碟豆花茶。感覺上呢一間雞煲都幾注重食物嘅賣相。好快雞煲就上枱啦！呢間雞煲嘅味道都係比較濃，用嘅材料同埋味道係比較貼近我哋一般認知嘅雞煲味道。叫小辣都剛好。另外雞嘅份量都唔少，有啲地方食半隻雞眨吓眼就完，但係呢個份量兩個人食係啱啱好。男朋友好鍾意食炸魚皮，佢見到呢度嘅推介係有呢一個原條即炸魚皮佢就點左一份。雖然我係唔食炸魚皮嘅，但係我試咗少少，的確係冇出面食開嗰一種油益味。而且表面灑上好味嘅椒鹽，如果鍾意食魚皮嘅人係值得一試嘅。之後我哋再加左一疊火鍋必點嘅肥牛，唔好睇佢油花唔係好靚，佢肉味係好濃郁。而我特別推介大家，食雞煲嘅時候未加湯之前食咗肥牛先，會特別入味特別好食㗎 ！最後我哋再加咗個鮮蝦水餃同埋我最鍾意食嘅萵筍。萵筍可以選擇早啲落，吸咗個雞煲嗰啲汁嘅味道真係好香。水
一坐低我哋就叫咗半隻麻辣雞煲小辣，之後就點左兩杯嘢飲。兩杯嘢飲幾有驚喜，平時叫親啲類型飲品總係嫌個味道太過化學或者太過重手，但係呢兩杯味道岩岩好。粉紅色嗰一杯係玫瑰柚子茶，後面紫色好靚嗰杯就係碟豆花茶。感覺上呢一間雞煲都幾注重食物嘅賣相。
好快雞煲就上枱啦！呢間雞煲嘅味道都係比較濃，用嘅材料同埋味道係比較貼近我哋一般認知嘅雞煲味道。叫小辣都剛好。另外雞嘅份量都唔少，有啲地方食半隻雞眨吓眼就完，但係呢個份量兩個人食係啱啱好。
男朋友好鍾意食炸魚皮，佢見到呢度嘅推介係有呢一個原條即炸魚皮佢就點左一份。雖然我係唔食炸魚皮嘅，但係我試咗少少，的確係冇出面食開嗰一種油益味。而且表面灑上好味嘅椒鹽，如果鍾意食魚皮嘅人係值得一試嘅。
之後我哋再加左一疊火鍋必點嘅肥牛，唔好睇佢油花唔係好靚，佢肉味係好濃郁。而我特別推介大家，食雞煲嘅時候未加湯之前食咗肥牛先，會特別入味特別好食㗎 ！
最後我哋再加咗個鮮蝦水餃同埋我最鍾意食嘅萵筍。萵筍可以選擇早啲落，吸咗個雞煲嗰啲汁嘅味道真係好香。水餃亦都係大大粒好足料，最後我哋都食唔晒，食淨左兩粒。
雖然唔會經常經過依個位，但係如果喺附近嘅話下次都會再食。埋單2人加埋400幾，應該去邊度食雞煲都係呢一個數吧
張貼
