海街丼 (E-Max) (已結業)

哩日女朋友要臨時要返工 仲返通頂chur project 見佢咁慘 專登送佢返office 食埋個lunch 等佢食飽滿足頂埋佢!就帶佢去食 我覺得一直都水準好穩定既海街丼以前黎哩度睇戲都間唔中會食 最鐘意係少人食haha 環境非常好 好休閒 坐得舒服 食得自在而且質素都有保證我叫左 海宝丼 (並) 女朋友叫左 海宝丼 (上) 食好D  主要係多左D蟹肉每份都會配左 湯 前菜 同埋少見既壽司醋啫喱前菜記得以前係凍蕃茄 好好食 衣家轉左 可惜而壽司醋啫喱 我就覺得捞埋食好好味 女朋友就覺得太濃味 麻麻地魚生飯都係一貫水準 份量足夠 食完好滿足