釜之魂釜飯專門店 (淘大商場) (已結業)

平時九龍灣返工放工都食勻晒周圍餐廳，今次收工約左好同事去淘大食下好野。呢間釜飯我之前都有留意開張冇幾耐，見到門口有一個人在派傳單那個人著住一個熊仔頭，所以今次心思思不如試下。之前都完全冇concept 釜飯係乜野，去到試下就叫左金魂、鹽燒牛舌飯同埋大愛既黑松露卷蛋。金魂一上檯已經覺得幾特別有條超級尾骨插左係度。我本人最怕魚比較多骨，尤其細骨，不過好好呢個鰻魚都冇乜骨所以食得好放心，而且味道都幾唔錯，燒汗夠味道。另外同事叫左個牛舌飯都睇落好唔錯，由於釜飯係有熱力保持在個鐵底，所以入面飯邊都有少少飯焦有種煲仔飯感覺，呢樣都幾深刻。最後係個卷蛋，次次去日本餐廳都會想叫，今次黑松露卷蛋都冇令我失望，總括呢講呢餐都算不俗。