更多
2008-06-16
14 瀏覽
上個禮拜睇到蘋果日報介紹九龍城廣場開咗一間叫蒲鍋日式燒烤，有和牛食...仲因為父親節有個set for 四人用，一心諗住同爸爸父親節食餐和牛慶祝吓，所以book咗14號仲買埋個set嘅couple一心諗住爸爸、SELINA同我一行三人去食啦.....點知...?!?!?!?!?!?! 星期六7:00 一去到，我已經將couple交咗俾receptionist，坐低之後我就問其中一位部長，個set anytimes都可以上，咁嗰位部長就話佢哋收咗我張couple已經入咗單，ok咁等啦，順便叫咗八爪魚同吞拿魚壽司各一客，等咗4個字，仲係冇嚟反應，咁就再叫番同一位部長問問啦，佢話同我跟跟...之後無嗱嗱有個侍應走埋嚟問我有冇交張couple俾佢哋......唓! 有冇攪錯，咁即係根本冇同我入單啦...再三吹佢哋，終於嚟咗一個前菜...啲類似日式冷麵沙律，賣相唔得加冇味...不藉一提.....!! 不過當時心中有個疑團，點解4人set得一個前菜..?!?!??! 望足個爐半個鍾後啲嘢食先陸續上.....滾呀!! 刺身(跟set) 三文魚(冇特別)、劍魚(完全唔肥美-劣)、北寄貝(冇人食...
星期六7:00 一去到，我已經將couple交咗俾receptionist，坐低之後我就問其中一位部長，個set anytimes都可以上，咁嗰位部長就話佢哋收咗我張couple已經入咗單，ok咁等啦，順便叫咗八爪魚同吞拿魚壽司各一客，等咗4個字，仲係冇嚟反應，咁就再叫番同一位部長問問啦，佢話同我跟跟...之後無嗱嗱有個侍應走埋嚟問我有冇交張couple俾佢哋......唓! 有冇攪錯，咁即係根本冇同我入單啦...再三吹佢哋，終於嚟咗一個前菜...啲類似日式冷麵沙律，賣相唔得加冇味...不藉一提.....!! 不過當時心中有個疑團，點解4人set得一個前菜..?!?!??! 望足個爐半個鍾後啲嘢食先陸續上.....滾呀!!
刺身(跟set) 三文魚(冇特別)、劍魚(完全唔肥美-劣)、北寄貝(冇人食...因為見到都...)
燒烤set
1. 佢哋話嘅和牛(無論我燒到佢幾多成熟都係一個字形容- 靭)
2. 鵝肝 (成晚唯一最似人食嘅一樣，不過都唔係可以叫好囉!)
小插曲 : a. 事源我咪order咗八爪魚同吞拿魚壽司各一客，食到中段仍然未嚟，再追咗三次order....先嚟碟八爪魚同吞拿魚"刺身"，認真吹漲!!!!!!
小插曲 : b. 無嗱嗱有個侍應走過嚟問有冇俾過前菜我哋，我就答佢話之前嚟過一客....跟住有個冇著製服嘅男子就鬧個侍應: 四人餐梗係俾四個前菜啦，點會俾一個...。之後佢再放低三個前菜，成晚啲人同order都好好好好亂。
3. 佢哋話嘅黑豚 (擺明普通豬頸肉，呃我膝頭哥唔食辣椒醬)
4. 仲有好細隻嘅蝦 (冇特別好同唔好，只可以話有膏囉!)
5. 青口 (不知所謂嘅垃圾急凍貨色...大家諗到會係咩料啦)
6. 蔬菜類 (有金菇一堆、半粒草菇4 pcs、4件高0.5吋嘅粟米....完)
7. 雞扒 (好嚡)
另外再order咗一客羊扒(得兩件)同佢哋話嘅和牛脷-數埋得嗰6片 (羊扒我冇食，不過有食過嘅人話有雪味，個牛脷都係一個字形容- 靭...)
好啦食完埋單啦，個set $588，八爪魚壽司 $20，吞拿魚壽司 $2x...(唔係好記得)，羊扒 $7x，牛脷 $1xx，總共 $987.00 大洋，咁諗住碌卡啦，個經理話冇卡機，有冇攪錯...佢間嘢啲價錢都唔係平價，晚餐閑閑哋都要二、三佰蚊一個人頭，冇得碌卡就早響吖，話明父親節梗係我請，如果我唔夠cash咪要我老豆出住錢先，離譜....倒晒我銀包啲錢都仲欠八十幾蚊，幾鬼肉酸，最後老豆都出咗一舊水.....唉...!!!!!
成晚services同食物非常之劣....直頭唔可以用差嚟形容，要用劣字先貼切....簡直不知所謂...!
小插曲 : c. 我去洗間不斷聽到其他食客係咁彈同話呢間嘢唔掂，大家可想而知啦.....
咁嘅價食一堆垃圾食物同咁嘅services....真係唔洗旨意有下次....真係二十個嬲....
張貼
