新越越式料理 (已搬遷) 新店位置

今日要到九龍城打個白鴿轉，拎姐姐嘅生日蛋糕，就順道相約一位前輩食個lunch，研究下大家嘅相機。而我哋都鍾意食海鮮，就黎呢間餐廳食咖喱蟹同大頭蝦，午餐份量多，價錢都幾優惠。環境以淺色為主，中央位置打通咗閣樓，加咗少許花朵裝飾，又用透明座椅增加空間感。午餐價錢$39-49，多款越式湯河撈檬，可以自選牛肉或雞肉湯底，着校服仲可以免加一！餐枱上有我最愛嘅指天椒，點咗湯河後另送上金不換，吃越南湯河就當然唔少得呢款香草啦。熱情果梳打 $25夏天好快就到，慢慢行都會流汗，坐底先要杯生果特飲！新鮮熱情果肉，再加梳打汽水，甜度自然，暑氣全消啦。特式越南大頭蝦 $148嚟呢度就係為咗佢！越南口味嘅海鮮，大頭蝦先切開兩邊，上面放滿香茅、檸檬草等香料，長度就如一隻碟咁上下，蝦肉厚身烤過後，肉質唔會乾身，蝦頭部份仲有不少蝦膏。生熟牛河 $48我一直都覺得越南食品幾有趣，自問未見過有一間餐廳，會咁膽大將生肉送上俾食客？全因餐廳有新鮮嘅食材，將牛肉切成薄片，放喺河粉上，再加入攝氏一百度嘅高溫湯底。食客就係可以望到面前嘅牛肉慢慢咁熟，而河粉唔會好黐，咬落彈牙，湯底濃郁帶有牛羶味，唔係周圍都食到，真係會令人食過返尋味