漁吉海鮮丼專門店 (已搬遷) 新店位置

九龍城雖然有好多餐廳，不過出名嘅都以泰國菜、火鍋為主。 今日就發現咗一間食日式丼飯嘅，一於試吓～餐廳喺南角道同衙前圍道交界，裝修簡約明亮，周末下午食更覺優閒～丼飯有十幾款選擇，仲有茶碗蒸、湯同小食。諗住斟杯熱茶暖吓胃先，原來枱上面個壺入面係麵豉湯嚟，仲無限refill，鍾意飲幾多就斟幾多。【蟹王丼$238】有熟蟹肉、海膽、三文魚籽、蟹籽、玉子。 熟蟹肉係超多，都唔知要喺幾多隻蟹度拆出嚟先有咁嘅份量，我呢個蟹迷大滿足。 海膽亦都唔少，仲係火炙過，味道濃郁。【漁吉特選丼$188】有比目魚、三文魚、產地直送鮮魚、油甘魚、櫻花魷魚、帆立貝、赤蝦、星鰻、三文魚籽、海膽、蟹籽、玉子，十幾種材料，超豐富。每種刺身都好鮮美，咬落去好juicy。 星鰻就係一條薄薄火炙過嘅，帶少少香口；赤蝦同櫻花䰹魷魚膠質重，口感一流；三文魚就夠肥美，帶魚脂美味。【清酒煮蜆$38】蜆好大隻，隻隻都好鮮爽。 清酒味道啱啱好，更能突出嘅嘅鮮甜。我哋每人叫左一支汽水，【靜崗哈蜜瓜汽水$28】同【完熟水蜜桃汽水$28】，都係來自日本架。九龍城難得嘅海鮮丼專門店，高質之餘價錢合理，絕對值得支持。