麥文記麵家

營業中

休息中

今日同女友選左3個地方食野, 第一站係麥文記。話說今日真係好熱, 所以第一站我地既有食欲, 亦未見熱到發脾四。去到唔洗等位, 服務員都有禮貌, 一坐低, 基本上我地都諗好叫咩, 就叫左兩個雲吞麵同一個淨豬手。女友話個雲吞好好味, 全蝦而且新鮮, 我都覺得好爽口, 諗番起都有D餓添, 哈哈! 之後黎埋豬手, 個南乳豬手味道好濃, 鐘意食南乳既人一定LIKE。不過有個問題就係, 因為豬手味濃, 個麵味清, 所以兩樣野一齊食的確唔係好夾, 不過整體真係唔錯。 地方都好乾淨, 仲俾個碗你LUR骨, 細心。但係埋單加埋兩支可樂差唔多一百蚊, 真係貴左D, 因為食呢3樣野, 都係唔夠飽的。