嵐山日本料理

營業中

休息中

同太座兩人第一次嚐試嵐山，基於兩人關係，所以未能品嚐多款美食。 味醂魚干比外間嘅雞泡魚干好味唔黐牙。第一次係日本食店食日本生蠔，感覺差一點點，不過夠大隻。日本白象拔蚝刺身比傳統象拔蚝唔同，不過都好味。北海道海膽，我個人雖然唔抗拒海膽，但平時都只係1，2啖就ok, 但係呢個海膽真係停唔到口。值得推薦！大拖羅入口即溶，第二推介！海鮮魚生丼好好味。野菜天婦羅盛合，粉少唔肥膩。宮崎A5和牛厚燒比較失望，可能係我本人唔太喜歡食肥膩嘅牛，試過石垣牛感覺宮崎牛好油膩。 最後極力推薦嘅係最平嘅焦糖菠蘿。