味千拉麵 (已結業)

好耐無食過味千，今日陪朋友去皇室堡買BB用品，買完嘢朋友話睇戲，OK去買飛，未夠鐘入場去醫肚先，去到3樓，離遠俾好大隻大口仔吸引目光，埋去睇睇，原來係味千同大口仔crossover ，但除咗精品，仲有個大口仔拉麵，望見餐牌幅相幾得意，即管入去試吓，落完單繼續同朋友傾計，5分鐘左右員工將食物送上枱，（大口仔太肉拉麵）估唔到同餐牌幅相一樣，紫菜、蛋、碗邊公仔都係大口仔，立即試一啖，湯夠熱，味道依然係以往豬骨濃湯，麵身軟硬適中，試吓太肉，入口好淋味道有少少似台灣東玻肉，但又有少少辣味，個人認為如呢個係太肉飯味道應該更好，好快食完碗麵，差不多夠鐘入場睇戲，埋單，順便問吓經理姐姐有無太肉飯，佢話遲少少𨍭新午餐將會有得供應下次要再嚟試試