影片
更多
2018-07-27
705 瀏覽
一直都知道九龍灣有新的飲食地標，但沒有去了解在哪裡。今晚在德寶睇完醫生，相問一下有冇地方介紹食少少野，佢就指點左我去六樓後座。原本新的飲食地標就在德寶商場。因為我去到時已9點，店內沒有太多人。一入去，不假思索，來一個雜扒餐試試佢身手。既然佢係賣老香港茶餐冰室的路，鐵板雜扒當然是不二之選。主角未到，先行部隊 牛油多士和南瓜湯先被送上枱。多士又香又熱又脆，湯又濃又熱，一定都是即叫即整。主角雜扒上場睇相都見到佢幾有份量，豬、牛、雞、薯條樣樣齊，睇到我立即有細個個時，食雜扒的興奮感覺。食鐵板最重要的，就是加汁落去個一刻的之之聲。依度都無令我失望，熱力足，之之聲不絕於耳。話說出面好多所謂鐵板都係虛有其表，唔係燒到紅出來的。雜扒份量足，味道交到貨(即係OK 普通啦)，但要提一提的，是佢的豬柳。 佢的豬柳唔係D乾真真的豬扒，而係分左3塊的 爽脆豬柳，一入口眼前一亮。在無咩預期下食到更好的味道，當然喜出望外。想行舊香港的風味同時，都希望餐廳方可以作出一點點的改善，令青年人都可在舊風味中，找到新的亮點。因為舊時可食鐵板，已經係天大的喜慶日子，見到都滿足了。但現世代青年富足，未必能體會/體諒到當中的感受/
因為我去到時已9點，店內沒有太多人。一入去，不假思索，來一個雜扒餐試試佢身手。既然佢係賣老香港茶餐冰室的路，鐵板雜扒當然是不二之選。
主角未到，先行部隊 牛油多士和南瓜湯先被送上枱。多士又香又熱又脆，湯又濃又熱，一定都是即叫即整。
主角雜扒上場睇相都見到佢幾有份量，豬、牛、雞、薯條樣樣齊，睇到我立即有細個個時，食雜扒的興奮感覺。食鐵板最重要的，就是加汁落去個一刻的之之聲。依度都無令我失望，熱力足，之之聲不絕於耳。話說出面好多所謂鐵板都係虛有其表，唔係燒到紅出來的。
雜扒份量足，味道交到貨(即係OK 普通啦)，但要提一提的，是佢的豬柳。 佢的豬柳唔係D乾真真的豬扒，而係分左3塊的 爽脆豬柳，一入口眼前一亮。在無咩預期下食到更好的味道，當然喜出望外。
想行舊香港的風味同時，都希望餐廳方可以作出一點點的改善，令青年人都可在舊風味中，找到新的亮點。因為舊時可食鐵板，已經係天大的喜慶日子，見到都滿足了。但現世代青年富足，未必能體會/體諒到當中的感受/風情，所以只會從單純的味道出發。
我都希望餐廳可以一直做落去，多吸客 源，為我們保留一下兒時的 回憶，謝謝。
另外，見到另一枱客叫了中式客飯，份量多又是即炒的，下次都想試試。
題外話/補充資料：
餐廳地方唔大，但我都見到有4-5個侍應(全部女)，理應好快可以分工合作，去服務食客。但在我用餐其間，有6台客，我見到都係由經理(男)主動快手去招呼和送餐，另外個D 除左2個係去清潔外，都係度自己傾計、睇電話，無理到客人。有一客人座在店尾揮手揮左5分鐘，後面的侍應都無人睇到佢，因為佢地都低頭中。 最後都係由收銀的經理睇到，想行去店尾應客人時，有其中一侍應先見到，走去落單。
餐廳的食物質素一向都係 餐廳可生存的首要，但現實係經營的安排也十分重要。不知多少名餐廳，就是因為死於不懂營運，而消失在大時代中，希望店主可多加留意。
(以上食評乃用戶個人意見 , 並不代表OpenRice之觀點。)
張貼
