指月 (已結業)

指月主打無味精湯粉麵為主，環境都幾靚幾舒服。無味精湯主要有四款，分別係清湯、豬骨湯、番茄同埋牛雜濃湯。今次就叫比較特別的牛面豬配清湯米粉同埋指月手撕雞煨麵，再加個小食炆冬菇同埋白桃烏龍冷泡茶。牛面珠份量都幾多，首先當然試左湯底先，夠晒清甜，再加上牛骨香味，係會令你飲上癮，而且飲完都唔會覺得口渴，證明係無味精。牛面珠近似牛筋加牛腍肉的口感，肉質夠爽彈，感覺好新鮮。由於每隻牛只有左右一對，份量比較少，所以係每天限量供應。至於手撕雞煨麵的湯底係另一個極致，充滿豬骨湯的味道，而且夠晒濃稠的質感。而呢度特別的地方係用左上海麵，問左店員話老闆特登揀上海麵係希望做到麵質唔會咁淋，煮完麵質都有彈性，同埋可以掛湯。而小食炆冬菇有兩大隻，Size夠大夠厚肉，但炆得夠入味，值得一試由於我地唔係好食內臟，所以今次無叫呢度出名的牛雜同牛腸鍋，但我地周圍都有好多人叫，如果大家都鐘意食牛雜或牛腸，大家都可以一試。