料理農務 (已結業)

首先我被「料理農務」（香港髒話的諧音）呢個名吸引哈哈，而且它推崇健康家常中菜，主打有機食材。位置就喺PMQ元創方的地下，吃完飯可以喺元創方行吓，環境裝修完全係酒吧嘅感覺，空間寬敞舒適。有部分員工係外國人，基本上外國客比較多。服務我哋嘅外國員工十分熱情、主動，仲主動幫我哋影相（雖然本身冇諗住影相)，不過整體上食物味道不過不失，試吓一次無妨嘅，當係食環境氣氛比較好，另外比較適合素食或一向健康飲食嘅朋友。今次點咗set lunch B，每位108蚊。📍 怪味雞（7/10)醬汁十分開胃，雖然員工聲稱’very spicy’，但係連我呢啲唔太食得辣嘅人都覺得係微辣同甜。正宗嘅味道應該係麻辣、帶點甜同酸味。📍炒本地菜(7/10)始終係有機菜，味道會比市面上所賣嘅蔬菜新鮮一點。📍雞骨草瘦肉豬橫脷湯(8.5/10)我覺得最出色嘅係湯，湯唔含味精，非常鮮甜。以前唔鍾意飲湯，因為出面添加太多味精和油，飲到成嘴都係油，之後會好口渴。冇味精嘅湯係唔會愈飲愈口渴。📍有機面豉茄子(7/10)可以轉素，和外面食嘅冇太大分別，味道中等以上。📍咕嚕肉(6.5/10)我唔太鍾意食咕嚕肉，咕嚕肉都係易學難精嘅菜。外面整得好