味一番 (已結業)

今次又係味一番,不過係佢新店主打爐端燒. 但佢咁橋係呢段時間日本輻射災難開新舖,當然人流會較少. 但作為忠實擁躉一定要去支持吓. 新店地方十分闊落,簡潔,好有居酒屋感覺. 據聞主廚係由酒店挖角,出品絕對有水準.每日新鮮貨都會係黑板標出. 至於係唔係日本貨有需要知就問問經理啦! 小食 - 蔬菜條配辣醬及麵豉醬. 如果冇記錯,南蠻亭都係類似呢個小食. 食串燒,飲啤酒就最啱喇!! 螢光魷魚 - 送酒必食. 來貨亦有水準,漲卜卜,夠鹹鮮美味! 燒白鱔 - 必食之選. 鱔肉彈牙,外皮燒得焦脆,十分了得!!外皮燒得脆卜卜但唔會燶,控制火候要掌握得好好. 串燒雞肝,雞心,雞腎 - 唔好以為係雞串燒拼盤,只不過我得一個人,但又想試多幾款串燒,所以佢地幫我落每款半個order,咁就可以試足咁多款啦!! 雞肝係超掂!! 我選擇汁燒,內裡軟熟唔過火,正! 雞心雖然係鮮貨,但可以處理不當,食落係好腍,麻麻. 雞腎就係夠爽身,都唔錯. 鹽燒豬鞍 - 可能過火咗少少,部份比較鞋,但燒得香脆,希望下次做好啲啦!! 雞皮蒜頭 - 好有趣嘅組合,不過又唔錯喎! 雞皮燒得脆脆,配埋燒腍咗又好香嘅蒜頭真係好美味呀!! 燒石