串燒王 (祥興樓)

營業中

休息中

近年好多餐廳都好早收舖，今日夜夜哋去到旺角，醒起可以食串燒。呢間串燒店開到深夜，唔洗驚早收食得唔盡興！ 蔬菜類蒜蓉原條茄子：食串燒必點😂勁多蒜蓉，成個口腔都充滿住勁香嘅蒜蓉。 韮菜：落咗味粉好夠味，燒得啱啱好唔會過生/過熟。 鮮冬菇：好香冬菇味，勁juicy，即叫即燒好新鮮。 海鮮類麻辣八爪魚鬚：爽口彈牙，麻辣夠惹味。 台灣雞泡魚乾：甜味突出，口感煙靭唔難咬 肉類雞軟骨/雞中翼：椒鹽惹味，軟骨香脆；雞翼大隻肉厚，啖啖肉。厚切牛舌心：口感爽脆，牛味濃，厚切牛舌一啲都唔吝嗇。主食鰻肉炒飯：份量足，都幾多鰻魚粒。加咗辣椒粒，增加刺激感。