星期五晚Happy Friday 約左朋友去呢間串燒店輕鬆下.我地訂左位七點半，都唔算太多人，有室外同室內既座位. 我地揀左坐室內. 估唔到既係通常串燒店都會好大油煙味，點知呢到一點都無，加分吖！
而且食物既選擇都有好多！
我地叫左炸芝士蝦球（$38），蝦球中間係拉絲既芝士！
又叫左炸魷魚圈（$48），香脆得黎魷魚彈牙，配埋沙律醬，無得輸.
叫左鱈魚脆條（$38），卜卜脆，淡淡的鱈魚味，最有驚喜！
本身仲叫左二人前大阪燒（$68），但味道一般，尚算足料.
如果驚食串燒唔夠飽，黎呢到唔使擔心，因為有飯叫.
叫左櫻花蝦乾炒飯（$68），超大份，二人食份量十足，而且有櫻花蝦乾同蟹子加魷魚，多重口感.
