逸之燒 (已結業)

今日喺元朗行完街，見到有間日本菜，都好似ok喎。好，坐低睇吓有咩好食先。雜錦刺身飯，平時見到嘅都刺身同飯一齊上，但呢個啲魚生多到要分開上，好抵食，刺身都有六款大大片。食日本嘢必點壽司，個人最愛希靈魚同鰻魚，希靈魚食落粒粒爽脆口感，鰻魚厚肉夠嫩，帶子亦都大大粒好鮮甜。另外一樣就係芝士年糕，咬落有外皮好脆，裡面軟綿綿，好好味！黑椒牛脷串，燒得啱啱到位，一D都唔韌，容易咬入口，加上黑椒香料調味，好食！汁燒鰻魚串，魚皮燒得脆，鰻魚唔會乾。鹽燒豚肉鵪鶉蛋串，用豚肉包住鵪鶉蛋，感覺好似食緊一個未剝殼嘅鵪鶉蛋！燒法國金蠔，蠔肉多汁肥美。