螢壽司 (已結業)

夏天咁熱，最鍾意就係食日本野，涼快D呀! 今日就黎左呢間朋友推介既餐廳，試試佢味道如何先。前菜揀左清新小小既日本豆腐沙律，日本豆腐好夠滑，下面鋪左唔同既雜菜，加埋我最愛既芝麻醬，非常開胃。串燒揀左露筍同埋燒牛舌，後者超得我歡心。牛舌夠厚切，食材新鮮，加少少黑椒一齊去燒已經超惹味。露筍燒得夠腍，唔會太硬，岩哂我。雜錦天婦羅價錢唔算貴，但款式較多。當中最鍾意既係天婦羅蝦，炸粉唔厚，而且即叫即炸，有冬菇、矮瓜、青椒等等，岩晒我呢D貪心鬼。