雖然在旺角鬧市，但都搵左一陣，真係幾穩世的。
店子比較細，環境尚可，但就可以一試的。
點了幾款美食都好味，而且價錢相當經濟。
錫紙燒麻辣蒜蓉花甲 $58
花甲肥美鮮甜，蒜蓉加麻辣汁非常惹味，甲肉彈牙唔乾身，隻隻冇沙冇碎殼，份量好足抵食，值得推介。
燒雞泡魚乾 $45
魚乾甜美口感煙韌，可以過足口癮，沾上沙律醬美味，作為小食唔錯。
1
燒香卜卜魚豆腐 $20
外層香脆，內裡軟彈，孜然粉的加入更是讓味道更上一層樓。
燒虎皮青椒 $18
青椒燒得皮脆肉淋，味道唔辣，好有口感。
蒜蓉燒大大茄子 $38
茄子大條肉厚，佈滿蒜蓉，絲絲茄肉口感軟棉好入味，食落滿足。
燒泰國秋葵 $18
秋葵好多條，口感清爽脆嫩多汁，好味。
超美味王子燒 $28
玉子大串厚身，味道一般，無咩特別。
燒韭菜 $18
韮菜幼長大注，撒滿孜然粉芳香味濃，惹味非常。
