更多
2019-01-10
228 瀏覽
出雲抹茶鮮奶（$30）咁呢一間台灣過江龍，其實最大嘅特色就係話佢係用台灣自家牧場整出嚟嘅牛奶供應畀自己用，所以話牛奶味特別香濃。🤤 但係原來我冇睇清楚，只係台灣門市係用自己嘅牛奶；當我進入呢間喺香港嘅鋪頭嘅時侯，一入到去見到雪櫃裝住一盒一盒明治牛奶嘅時候，其實有啲失望喇。😭 不過講番杯嘢飲，其實佢嘅抹茶味唔係特別嘅出眾，牛奶味亦都冇特別嘅濃，只係一杯好普通嘅抹茶牛奶，甚至我覺得係比唔上Pacific嘅Matcha Latte。🧐 但係，整體嚟講又唔會淡到似水咁咁難飲，飲完條脷亦都唔會好鞋，只不過衰在太過普通呀。😕 另外由於佢係用實色嘅紙杯裝，所以見唔到入面嘅顏色，我相信如果一杯抹茶牛奶可以用透明杯裝見到綠色漸變做白色嘅話呢，就應該影相都靚好多啦，不過可惜就冇做到喇。😣 雖然呢杯嘢飲都不過不失，但係，一間特色係自家牧場牛奶嘅舖頭，去到香港竟然只係用好多其他舖頭都採用嘅明治牛奶，咁呢間鋪頭仲有冇意思呢？🤔
咁呢一間台灣過江龍，其實最大嘅特色就係話佢係用台灣自家牧場整出嚟嘅牛奶供應畀自己用，所以話牛奶味特別香濃。🤤 但係原來我冇睇清楚，只係台灣門市係用自己嘅牛奶；當我進入呢間喺香港嘅鋪頭嘅時侯，一入到去見到雪櫃裝住一盒一盒明治牛奶嘅時候，其實有啲失望喇。😭 不過講番杯嘢飲，其實佢嘅抹茶味唔係特別嘅出眾，牛奶味亦都冇特別嘅濃，只係一杯好普通嘅抹茶牛奶，甚至我覺得係比唔上Pacific嘅Matcha Latte。🧐 但係，整體嚟講又唔會淡到似水咁咁難飲，飲完條脷亦都唔會好鞋，只不過衰在太過普通呀。😕 另外由於佢係用實色嘅紙杯裝，所以見唔到入面嘅顏色，我相信如果一杯抹茶牛奶可以用透明杯裝見到綠色漸變做白色嘅話呢，就應該影相都靚好多啦，不過可惜就冇做到喇。😣 雖然呢杯嘢飲都不過不失，但係，一間特色係自家牧場牛奶嘅舖頭，去到香港竟然只係用好多其他舖頭都採用嘅明治牛奶，咁呢間鋪頭仲有冇意思呢？🤔
張貼
