唐宮小聚 (新港中心)

今次影相唔多， 所以盡量用文字表達畀大家聽。。。 唐宮小聚我嚟過幾次， 價錢真係偏貴， 食物份量亦唔係好多，但係食物質素真係keep到。。。 有一次終於品嚐到佢哋嘅乳鴿， 好夠熱，好好味， 比較可惜嘅就係因為就係限定數量， 所以唔係次次都食得到， 呢幾次去都有試過佢哋嘅黑金流沙同埋猛虎咬豬， 黑金流沙嘅餡非常流心， 我朋友一咬落去嘅時候，都唔小心滴曬出嚟，成口都係。。。。 而猛虎咬豬呢，我就覺得裏面嘅肉同脂肪都分佈得好平均，所以咬落去嘅每一啖都好軟熟， 所以值得一試