影片
更多
2015-10-01
1283 瀏覽
雖然中秋節已經同我地say拜拜，但係佢仍然係一個好好嘅藉口俾我哋出去搵嘢食，尤其當我同我班朋友都係勁鍾意出去食嘢嘅人，當然唔會放過呢個好機會啦人哋中秋節鐘意去燒嘢食，但係係呢個又熱又焗，一啲風都冇仲要係酷熱警告嘅日子，我哋梗係唔會出去餵蚊啦，於是諗諗吓，食韓燒都唔錯喎，朋友又話試過呢間OK ,於是就一於一齊去食啦～Book咗枱一上到去就有位，唔駛等，門口帶位個姐姐好好笑容，讚讚~叫左個海鮮set+牛肉，蔘雞湯，仲有一杯大cocktail黎share食，雖然得一個set，但做過功課都知道分量好夠，三個人食岩岩好。頭盤有芝麻醬沙律，同一般西餐廳既沙律差不多，菜都算新鮮~ 而佢個dressing係屬於比較甜的，有d似黑芝麻雪糕既味道，好特別！但我個人鐘意食酸酸地既沙律，呢個就覺得麻麻地la。蔘雞湯味道屬於比較清甜，明顯湯底無落味精，飲落都覺得健康👍 另外仲要非常足料，有大量蔬菜，半隻雞，仲有鮑魚添！主菜上檯!! 見到個set有幾咁豐富! 海鮮有大蝦，八爪魚，蜆，青口，帶子；肉類就有兩款牛肉，整體以海鮮為主。一開始燒左帶子同蜆，帶子隻隻都好大隻，三隻已經舖滿成個爐面睇住d汁滾下滾下，又聞到陣陣
人哋中秋節鐘意去燒嘢食，但係係呢個又熱又焗，一啲風都冇仲要係酷熱警告嘅日子，我哋梗係唔會出去餵蚊啦，於是諗諗吓，食韓燒都唔錯喎，朋友又話試過呢間OK ,於是就一於一齊去食啦～
Book咗枱一上到去就有位，唔駛等，門口帶位個姐姐好好笑容，讚讚~
叫左個海鮮set+牛肉，蔘雞湯，仲有一杯大cocktail黎share食，雖然得一個set，但做過功課都知道分量好夠，三個人食岩岩好。
頭盤有芝麻醬沙律，同一般西餐廳既沙律差不多，菜都算新鮮~ 而佢個dressing係屬於比較甜的，有d似黑芝麻雪糕既味道，好特別！但我個人鐘意食酸酸地既沙律，呢個就覺得麻麻地la。
蔘雞湯味道屬於比較清甜，明顯湯底無落味精，飲落都覺得健康👍 另外仲要非常足料，有大量蔬菜，半隻雞，仲有鮑魚添！
主菜上檯!! 見到個set有幾咁豐富! 海鮮有大蝦，八爪魚，蜆，青口，帶子；肉類就有兩款牛肉，整體以海鮮為主。
一開始燒左帶子同蜆，帶子隻隻都好大隻，三隻已經舖滿成個爐面睇住d汁滾下滾下，又聞到陣陣線味，已經好想食!
期間店員仲好細心行埋黎幫我地反轉個網，因為我地用左拱起過面黎燒，好容易漏晒d汁🙈 咁細微既地方都留意到，真係好勁呀!
經過悉心照顧既帶子，最後當然無令我地失望，吸收晒d海水味，食落口熱辣辣，比聞落更加鮮味，一隻真係唔係好夠！
D蜆都好新鮮，可惜我地燒得熟左少少，食落有d乾>< 相信如果唔係一定更好味。
另外最無得頂既就係呢個降霜牛肉，顧名思義佢真係有一層雪花般既油脂分佈係塊肉上面，而且好平均，放上爐面一陣已經有一滴滴油滴落個火度，一直有小火升上黎燒埋另外果面，好簡單就做到外面一層牛肉香，裏面五成熟既效果，咁樣燒牛肉真係perfect!! 食落當然更perfect!
飲品就係呢杯cranberry and pineapple cocktail，賣相幾特別，拎黎果時成杯都係香檳色既沙冰，然後慢慢睇住d酒流落去，漸變成粉紅+香檳，效果好靚，當晚都有唔少人叫左佢~ 不過朋友們都麻麻地飲酒，覺得似藥水味我就無呢個咁覺啦XD 啖啖都飲到沙冰，到食完飯都未容晒，唔會變晒水，已經做得非常好 唯一一樣野我覺得可以改善既係，d酒流落去個杯度既時候會滿瀉，漏晒落張檯度搞到痴笠笠，抹都抹唔切。其實加個杯墊已經可以解決問題，可以考慮下~~
行出門口果時大家都非常滿足，環境有氣氛，食物質素又好好，吃貨們過節要過得開心，就係咁簡單
張貼
