影片
更多
2021-09-23
460 瀏覽
就到中秋節 約埋一班朋友出黎食個飯團聚一下 平時就食西餐日本野多 今次就黎試下中菜 見到滿樂中菜評分唔錯 又近地鐵站 咁就試一試佢啦！黎到餐廳 已經坐滿哂人 我地卜位嘅時候已經得反8點可以簡 坐左一陣 員工已經行過黎同我地講得反一隻鴨 問我地要吾要 咁黎得食中菜 又點可以唔試下呢 佢係落單後即烤 所以要等一個鐘嫁😆建議落左單再慢慢諗其他 唔洗等咁耐啊嘛🤣🤣🤣首先上左杏汁燉白肺湯 一到已經聞到好大陣杏汁味 試左一啖 唔係我杯茶 因為杏仁味實在太重 不過如果係鐘意杏汁嘅人 應該會覺得系享受 因為好滋補 其他朋友話豬肺好食 跟住係椒鹽九肚魚 呢味就不過不失 不過唔太特別有咩驚喜咁 但炸完唔會成個碟底都係油 呢個可以一讚 芋茸香酥鴨故名思義係用芋頭茸加入鴨肉壓成泥 跟住再拎去炸 呢個炸到好酥脆 本人覺得唔錯 不過入面嘅鴨肉可以多少少就好 因為食落口都係啖啖芋茸（當然我都好鐘意食）金牌菠蘿咕嚕肉呢個有小小失望 本身呢個係好好送飯 但係個肉炸得有啲過左 成舊野好硬同埋個汁偏酸 以佢個價錢黎講 真係唔係好抵食燒味雙拼 （叉燒/燒腩仔）對於好鐘意食叉燒嘅我會覺得佢個叉燒好食 因為半肥瘦好平均 個肉好冧
黎到餐廳 已經坐滿哂人 我地卜位嘅時候已經得反8點可以簡 坐左一陣 員工已經行過黎同我地講得反一隻鴨 問我地要吾要 咁黎得食中菜 又點可以唔試下呢 佢係落單後即烤 所以要等一個鐘嫁😆建議落左單再慢慢諗其他 唔洗等咁耐啊嘛🤣🤣🤣
首先上左杏汁燉白肺湯 一到已經聞到好大陣杏汁味 試左一啖 唔係我杯茶 因為杏仁味實在太重 不過如果係鐘意杏汁嘅人 應該會覺得系享受 因為好滋補 其他朋友話豬肺好食
杏汁燉白肺湯
10 瀏覽
0 讚好
0 留言
跟住係椒鹽九肚魚 呢味就不過不失 不過唔太特別有咩驚喜咁 但炸完唔會成個碟底都係油 呢個可以一讚
椒鹽九肚魚
10 瀏覽
0 讚好
0 留言
芋茸香酥鴨故名思義係用芋頭茸加入鴨肉壓成泥 跟住再拎去炸 呢個炸到好酥脆 本人覺得唔錯 不過入面嘅鴨肉可以多少少就好 因為食落口都係啖啖芋茸（當然我都好鐘意食）
芋茸香酥鴨
14 瀏覽
0 讚好
0 留言
金牌菠蘿咕嚕肉呢個有小小失望 本身呢個係好好送飯 但係個肉炸得有啲過左 成舊野好硬
同埋個汁偏酸 以佢個價錢黎講 真係唔係好抵食
金牌咕嚕肉
5 瀏覽
0 讚好
0 留言
燒味雙拼 （叉燒/燒腩仔）對於好鐘意食叉燒嘅我會覺得佢個叉燒好食 因為半肥瘦好平均 個肉好冧 加上面個陣蜜糖 成件事好滿足 燒腩仔都好食 因為會好明顯睇到佢係一層肉一層肥膏咁樣 做到入口即溶嘅效果
燒味雙拼 （叉燒/燒腩仔）
5 瀏覽
0 讚好
0 留言
之後就系主角 片皮鴨 員工燒好會拎過黎比您望一望先 跟住就會去指定位置開始片鴨 我地今次簡左兩食 肉會拆出黎做生菜包🤤
員工首先會將隻鴨最多油脂個部分上碟 呢個位係就咁食 醬都唔洗 咁就可以食到鴨油嘅香味 同埋隻鴨係即烤即食 所以個油脂會更香
片皮鴨
9 瀏覽
0 讚好
0 留言
之後就會上片皮鴨 同配菜 鴨真係主要比個皮你 唔會有太多肉痴住 跟住鴨脾會上埋比你 咁就唔會浪費 皮就係即蒸即上 所以好燙手 同埋佢會一層皮一層紙 咁就可以防止啲皮痴住哂一舊啦 配菜有京蔥 青瓜 姜 黃蘿蔔 呢到配菜比較同出面吾同 不過配搭都係按個人口味嘅 我就鐘意青瓜 京蔥就咁配鴨 因為試過加姜同黃蘿蔔 但有啲搶左鴨嘅咪 但咁配搭口感就變相清新小小 所以都係個人口味黎嘅
片皮鴨
13 瀏覽
0 讚好
0 留言
最後就係生菜包 其實到上生菜包嘅時候我地都已經好飽（因為呢個都上得出較慢）我地本身都有打算唔要 但係拆左出黎嘅鴨肉咪浪費左囉 但估唔到 生菜包幾好食 佢加左冬菇馬蹄一齊炒 跟住鴨肉切粒 變左啖啖肉得黎又會咬到馬蹄嘅爽口 配合埋生菜嘅爽脆 咁就唔會好快又再飽多次啦
生菜包
12 瀏覽
0 讚好
0 留言
另外仲有一個小插曲 本來我地係叫左一個金銀蛋白菜仔 但最後佢都冇黎到 中間有問左兩次都係同廚房講多次 但如果真係甩左單/無貨 其實唔介意講聲 我地就唔洗等同埋係咁問佢地 總捨呢餐飯 其實除左片皮鴨同燒味有啲驚喜到我 其他我都覺得一般 加上係戲曲中心入面 我覺得價錢方面係比其他餐廳嘅貴 但又唔可以話佢好抵食 不過口味都係每個人唔同 但片皮鴨就真係值得一試
片皮鴨
18 瀏覽
0 讚好
0 留言
12 瀏覽
0 讚好
0 留言
張貼
