20
12
3
等級3
67
0
2019-08-19 49 瀏覽
話說soho區前排開左間叫「飲吧」既小店 每日開到凌晨十二點 星期五六仲開到凌晨兩點添 唔講仲以為係bar!但其實佢係一間特色甜品飲品店呢🙆🏻‍♀️_呢度門面超pinkpink💓 招牌 牆身 cushion 全部都係靚靚既粉紅色 充滿少女情懷 黎打卡就啱晒啦😝_今次黎到試左幾款招牌食品~{沖繩海鹽QQ窩夫撻 $58 🧁}睇名原本以為係類似麻糬窩夫咁 口感QQ的 點知係小編諗多左 其事係正常既窩夫黎😆 不過話係QQ都冇呃你 因為個size真係好的骰😂迷你窩夫撻底入面裝著淺藍色既沖繩海鹽雪糕 上面再淋上忌廉同檸檬醬~ 食落鹹甜酸既配搭唔錯 鍾意個檸檬醬夠酸夠開胃😻整體係好清新既甜點☺️ 不過覺得如果個窩夫可以再鬆化啲就好 而家口感有啲硬實~ 呢個價錢就唔太值得🙈_{櫻花車厘子梳乎厘班戟 $58 🥞}相比起黎 呢個梳乎厘班戟更得小編們心!個梳乎厘班戟係走空氣感路線 口感好輕盈 好似一陣風咁 毫無負擔 而且味道富蛋香 唔錯的~ 不過個人就喜好實在啲啲既口感😝重點係啲toppings❗️平時食櫻花味嘅產品都覺得食唔到啲咩味 估唔到呢個櫻花忌廉一食落就有好明顯既花
更多
話說soho區前排開左間叫「飲吧」既小店 每日開到凌晨十二點 星期五六仲開到凌晨兩點添 唔講仲以為係bar!但其實佢係一間特色甜品飲品店呢🙆🏻‍♀️
_
呢度門面超pinkpink💓 招牌 牆身 cushion 全部都係靚靚既粉紅色 充滿少女情懷 黎打卡就啱晒啦😝
_
今次黎到試左幾款招牌食品~
{沖繩海鹽QQ窩夫撻 $58 🧁}
3 瀏覽
0 讚好
0 留言

睇名原本以為係類似麻糬窩夫咁 口感QQ的 點知係小編諗多左 其事係正常既窩夫黎😆 不過話係QQ都冇呃你 因為個size真係好的骰😂
迷你窩夫撻底入面裝著淺藍色既沖繩海鹽雪糕 上面再淋上忌廉同檸檬醬~ 食落鹹甜酸既配搭唔錯 鍾意個檸檬醬夠酸夠開胃😻整體係好清新既甜點☺️ 不過覺得如果個窩夫可以再鬆化啲就好 而家口感有啲硬實~ 呢個價錢就唔太值得🙈
_
{櫻花車厘子梳乎厘班戟 $58 🥞}
1 瀏覽
0 讚好
0 留言

相比起黎 呢個梳乎厘班戟更得小編們心!個梳乎厘班戟係走空氣感路線 口感好輕盈 好似一陣風咁 毫無負擔 而且味道富蛋香 唔錯的~ 不過個人就喜好實在啲啲既口感😝
重點係啲toppings❗️平時食櫻花味嘅產品都覺得食唔到啲咩味 估唔到呢個櫻花忌廉一食落就有好明顯既花香😻 仲有淡淡鹽漬嗰種鹹味!
仲有個車厘子醬!一直都好怕叫車厘子味既甜品 因為陣味通常好人工 好似咳藥水咁😖 但呢個車厘子醬真係令人刮目相看!醬裡面真係有一粒粒超飽滿既車厘子 食落有啲似藍莓醬既感覺 不過多做份車厘子天然既香😻 老闆娘果然冇介紹錯😋
_
{十年陳皮奶蓋紅豆沙 $100 🥛}
不過如果講最有驚喜 一定係個十年陳皮奶蓋紅豆沙‼️ 呢個肯定係人生食過最矜貴既紅豆沙 但小編可以話你聽 呢杯紅豆沙絕對冇令我地失望!
老闆娘話飲法係要先聞一聞面頭既陳皮粒 再將陳皮粒 奶蓋 同紅豆沙 撈埋一齊飲~
紅豆沙煲得超綿 完全起晒沙😻 食落好稠身 豆味香濃 果然落足料!
奶蓋就冇乜鹹香 反而奶味比較重 令成個甜點口感更creamy 同埋多做份乳香😚 不過個人認為奶蓋份量少翻啲都得 因為底下既紅豆沙本身已經夠晒好食😋
加埋個十年陳皮完全就係錦上添花!每一口飲落去都有濃厚既果皮香 香醇甘甜!要知道十年陳皮每斤可以賣成600-800蚊!所以賣呢個價錢都不為過~☺️
_
感覺新開店啲嘢都有進步空間 但從裝潢 食物用料 出品 服務 各樣嘢都睇得出老闆娘係好有誠意既~💓💓 黎到中環想食下甜品/搵個地方飲杯野坐下 又多左個選擇啦☺️
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食