更多
2017-10-21
5453 瀏覽
中環，想搵問cafe坐下都難，尤其係夜晚。而且好多地方都好早休息，一行六人今日去左一間行可愛風路線的cafe，入面有好多figures, 一個白雲的公仔，賣萌樣好可愛。最緊要係靜靜地，咁啱一班人傾計 (其實係傾功課)晚上都有dinner set, light dinner, 小食，蛋糕選擇。不過留意下最低消費係$150每人，都嚇到眼突。本身唸下食下小食就算，不過始終都係中環高消費地區，小店始終都有生存的難處，都明白嘅吉列豬扒窩夫漢堡在小店整窩夫時成間店都勁香！上碟直情係澎湃！個窩夫唔乾身，香軟可口！而且入面個沙律醬好開胃，入面仲夾埋沙律菜。而吉列豬扒好淋身，食落唔痴牙，好邪惡。店員仲好有心切開幾份比我地開心分享！玫瑰雞翼食物熱辣辣真心加左唔少分！呢個玫瑰雞翼好多枱都有叫！蜜糖當中有少少淡淡玫瑰香，唔偽甜。雞翼香脆，食到停唔到！蘋果金寶好有心機，又係焗熱左。肉桂味令整個甜品更上一層樓，主食好味，估唔到甜品都唔差喎！小食拼盤夠三四個人開心些牙！蜜糖腸好有驚喜，輕輕煎過表面金黃色，而薯角炸雞煙肉卷都好熱，好啱傾計食！好難得搵到一個好地方喺中環，食物同環境水準之上！地方又靜靜地，地方仲有好多影
中環，想搵問cafe坐下都難，尤其係夜晚。而且好多地方都好早休息，一行六人今日去左一間行可愛風路線的cafe，入面有好多figures, 一個白雲的公仔，賣萌樣好可愛。最緊要係靜靜地，咁啱一班人傾計 (其實係傾功課)晚上都有dinner set, light dinner, 小食，蛋糕選擇。不過留意下最低消費係$150每人，都嚇到眼突。本身唸下食下小食就算，不過始終都係中環高消費地區，小店始終都有生存的難處，都明白嘅
吉列豬扒窩夫漢堡在小店整窩夫時成間店都勁香！上碟直情係澎湃！個窩夫唔乾身，香軟可口！
而且入面個沙律醬好開胃，入面仲夾埋沙律菜。而吉列豬扒好淋身，食落唔痴牙，好邪惡。店員仲好有心切開幾份比我地開心分享！
玫瑰雞翼食物熱辣辣真心加左唔少分！呢個玫瑰雞翼好多枱都有叫！
蜜糖當中有少少淡淡玫瑰香，唔偽甜。雞翼香脆，食到停唔到！
蘋果金寶好有心機，又係焗熱左。肉桂味令整個甜品更上一層樓，主食好味，估唔到甜品都唔差喎！
小食拼盤夠三四個人開心些牙！蜜糖腸好有驚喜，輕輕煎過表面金黃色，而薯角炸雞煙肉卷都好熱，好啱傾計食！
好難得搵到一個好地方喺中環，食物同環境水準之上！地方又靜靜地，地方仲有好多影相位，白雲公仔又得意，好啱女仔去！
張貼
