更多
2020-08-01
288 瀏覽
本人唔太喜歡食東南亞菜, 所以好難搵到一間東南亞菜館係我喜歡嘅 。 因為疫情好耐冇見幾位同事,而呢幾位同事鍾意食東南亞菜, 所以決定weekday得閒啲黎呢一間餐廳相聚。餐廳嘅裝修同設計好有印尼風采, 亦都好型 。Weekday lunch menu 既選擇都好豐富,樣樣都吸引。我同我兩個同事食完第一道菜, 軟殼蟹, 之後完全忘記咗要影相,因為每上一道菜,我哋就忍唔住要即刻食, 係因為肚餓呀定係因為好好食,都分唔出, 兩者都有啲嘅。直到最後食甜品先記得影相。 頭盤 我哋三樣都叫曬,本人覺得 Gado Gado 最值得試,最有印尼特色。 主菜我哋叫咗黃咖哩,紅烧炸和牛,同埋走地雞。 黃咖哩十分好食, 我哋三個爭住食。牛就有啲乾。 最後甜品係一個印尼甜品拼盤,超讚!!! 口感同埋味道一流, 唔太甜 ,千祈唔好唔叫甜品。 我哋食完甜品之後仲想食多份。 本人一定要再返嚟試下佢其他嘅菜式。
張貼