更多
2013-12-28
7116 瀏覽
我家唔係上海人，不過全部家人都超喜歡上海美食。 差不多有名嘅老牌或新普上海菜館我哋都有幫趁， 不過始終都鐘愛舊式老店，寧波喺其中一間我們家庭聚會常選擇嘅地方。無他因為位置方便於中環蘭桂芳下面，也因為出品一直保持水準每次都能食到熟悉嘅味道。 幾年前店曾經翻新過，但佢地無乘機改變餐廳形象和更換菜式，只係讓客人有更舒適環境用餐。 其實多年菜式嘅款式、味道和服務多年嘅店員已經係店嘅靈魂，每次光顧都有回家嘅感覺。 冷盤: 燻蛋、燻魚、雞絲粉皮、臭豆腐 燻蛋和燻魚味道掌握得恰到好處，無過多煙燻味。 雞絲粉皮嘅麻醬好濃好滑充滿芝麻香味，有D似北京涮羊肉嗰碗麻醬咁杰呀。 臭豆腐好少菜館有得食咖，連埋橙色嘅豆板醬和紅色嘅甜醬一咪咬落去，嗰種複雜難以形呀， 其實炸嘅臭味比起黑蚊蚊蒸嘅臭豆腐小兒科得多，尤記得有次隔離枱叫咗一碟黑色嘅蒸臭豆腐未拎到出嚟都聞到！熱盤: 咸蛋黃蝦、千層肉、雪菜毛豆百頁、鴛鴦沙鎚魚、蜜汁火腿咸蛋黃蝦係每次必叫，其他酒家都有造呢個菜但總係覺得寧波好D, 因為個咸蛋黃醬特別多，遠睇有D似杧果沙冰，呈沙狀最鐘意將D咸蛋黃醬揸滿槐家常餅嚟食，膽固醇?? 喺有少少過份不過為咗口福唔怕得咁多喇
冷盤: 燻蛋、燻魚、雞絲粉皮、臭豆腐
燻蛋和燻魚味道掌握得恰到好處，無過多煙燻味。 雞絲粉皮嘅麻醬好濃好滑充滿芝麻香味，有D似北京涮羊肉嗰碗麻醬咁杰呀。 臭豆腐好少菜館有得食咖，連埋橙色嘅豆板醬和紅色嘅甜醬一咪咬落去，嗰種複雜難以形呀， 其實炸嘅臭味比起黑蚊蚊蒸嘅臭豆腐小兒科得多，尤記得有次隔離枱叫咗一碟黑色嘅蒸臭豆腐未拎到出嚟都聞到！
熱盤: 咸蛋黃蝦、千層肉、雪菜毛豆百頁、鴛鴦沙鎚魚、蜜汁火腿咸蛋黃蝦係每次必叫，其他酒家都有造呢個菜但總係覺得寧波好D, 因為個咸蛋黃醬特別多，遠睇有D似杧果沙冰，呈沙狀最鐘意將D咸蛋黃醬揸滿槐家常餅嚟食，膽固醇?? 喺有少少過份不過為咗口福唔怕得咁多喇。 千層肉喺要預早訂咖，一大盤嚟到大家都滿心歡喜，一大舊長長方方嘅豬腩肉切得非常薄，一片片整齊排列每次都夾一"住"(好幾片薄肉)放落蝴蝶包內食好似三文治咁，記得要落埋墊底索晒汁嘅百頁，非常入味。 腩肉經過長時期燉煮，一D都唔油膩。槐蝴蝶包成隻手掌咁大，可以夾蜜汁火腿添。 火腿嘅咸同油都去晒，淨返咸香同蜜糖甜味，甘笋夠淋同蓮子老好鬆化。雪菜毛豆百頁喺傳統上海菜式之一， 百頁索晒D湯汁好入味。 鴛鴦沙鎚魚只有喺寧波至搵到，呢個喺手工菜，沙鎚魚一般都係原條炸同椒鹽，寧波就將兩邊嘅魚柳起出， 作油泡和吉列。 可想而知要用幾多條魚至起到一碟餸呢?! 魚柳嫩滑無骨。
主食: 蝴蝶餅、家常餅家常餅喺每枱必叫可作點心或主食，大部份上海食店都有提供類似嘅葱餅，不過唯獨喜愛寧波造嘅葱食。 無油淋淋好乾身唔似炸過，外面烤烘得金黃色芝麻香口，餅外脆內裡葱唔多但葱味清香，食完一槐又一槐唔停口。
甜品: 南瓜八寶糯米飯店員話係日本浬溫室南瓜做，所以呢個都要訂咖。 上枱時還有一鍋桂花糖水(少少杰身) 用嚟淋上黑糯米上面食, 而黑糯米上面在蓮子、蜜餞車厘子和提子乾， 南瓜果然夠粉同清甜。 呢個甜品又靚又好味。
美食除咗帶嚟味覺滿足外也充滿無限回憶。
題外話/補充資料：
由於樓底低所以滿座時會較嘈
午市和晚市餐牌都一樣
會員制
(以上食評乃用戶個人意見 , 並不代表OpenRice之觀點。)
張貼
