更多
2016-11-19
763 瀏覽
今朝心血來潮想食d傳統嘢,於是就嚟咗中環嘅威記粥店。呢間粥店已經經營多年,但一切保持原有風貌,枱櫈裝飾都同以前一樣。住呢頭嘅街坊應該無乜邊個唔識呢間老店,就連海外遊客都會遠道而來幫襯,原因唔知係咪兩、三年前其中一集Running Man李光洙嚟過拍嘢,不過單看呢間老店外貌,你係完全唔會發現丁點蛛絲馬跡,因為佢唔同其他鋪頭,佢哋連一張同李光洙嘅合照都無。講番食物方面,今日我食咗免治牛肉粥同油炸鬼,粥雖然係即叫即整,但唔駛一分鐘就已經送到你枱面。粥底軟綿,碎牛算足料,但整體偏咸。但我幾欣賞條油炸鬼,雖然油炸鬼真係好鬼油,但佢就算唔係即刻炸,放喺保温櫃,但仍保持新鮮,鬆脆,本人覺得比起叫炸兩好食。香港傳統店鋪買少見少,雖然呢度衛生情況一般,店員亦無乜禮貌,但都值得嚟感受吓昔日嘅香港風情嘅。
住呢頭嘅街坊應該無乜邊個唔識呢間老店,就連海外遊客都會遠道而來幫襯,原因唔知係咪兩、三年前其中一集Running Man李光洙嚟過拍嘢,不過單看呢間老店外貌,你係完全唔會發現丁點蛛絲馬跡,因為佢唔同其他鋪頭,佢哋連一張同李光洙嘅合照都無。
講番食物方面,今日我食咗免治牛肉粥同油炸鬼,粥雖然係即叫即整,但唔駛一分鐘就已經送到你枱面。粥底軟綿,碎牛算足料,但整體偏咸。但我幾欣賞條油炸鬼,雖然油炸鬼真係好鬼油,但佢就算唔係即刻炸,放喺保温櫃,但仍保持新鮮,鬆脆,本人覺得比起叫炸兩好食。
香港傳統店鋪買少見少,雖然呢度衛生情況一般,店員亦無乜禮貌,但都值得嚟感受吓昔日嘅香港風情嘅。
張貼