13
3
2
等級1
1
0
2019-07-30 1474 瀏覽
兩年前因為西史Field trip認識Fringe Club,一路都好欣賞呢度嗰種好唔commercial嘅保育活化,有啲畫展、Jazz band睇下聽下。唔似依家大館、PMQ嗰啲大搞,但其實感覺太景點feel。好講返今次食野嘅體驗。今次同朋友嚟開中環,經過就試下喺呢度食lunch。入左嚟嘅感覺好有嗰種飯堂feel,格局簡簡單單,人就一半外國人一半香港人。兩餸三餸飯,唔包野飲,大約70蚊,加埋野飲約90蚊,其實睇落有啲貴,始終學生,但喺中環又正常嘅。食落就好有住家飯feel,食物質素都高,尤其個青咖哩。咖啡唔係好濃嗰種,但啱我口味,而且拉花都睇得出用心製作,值得一試。但個人覺得重點係食個氣氛!依家返下暑期工就知lunch break係幾重要,起碼要俾自己換個環境,有個輕鬆啲嘅氣氛。呢度係好滿足到呢個要求嘅,員工同食客都有啲交流,食客大部份都係輕鬆飲下野,食啲野,閒談下咁,唔會話好噪,燈光亦唔會話太光太暗,食完hea陣都ok。我自己就坐耐咗啲,飲下野,睇下書,係正嘅。我會話預期spend時間喺Starbucks,又越嚟越多人,不如搵下呢類餐廳,叫個brownie同咖啡。我諗下次經開都會再
更多
兩年前因為西史Field trip認識Fringe Club,一路都好欣賞呢度嗰種好唔commercial嘅保育活化,有啲畫展、Jazz band睇下聽下。唔似依家大館、PMQ嗰啲大搞,但其實感覺太景點feel。好講返今次食野嘅體驗。

今次同朋友嚟開中環,經過就試下喺呢度食lunch。入左嚟嘅感覺好有嗰種飯堂feel,格局簡簡單單,人就一半外國人一半香港人。兩餸三餸飯,唔包野飲,大約70蚊,加埋野飲約90蚊,其實睇落有啲貴,始終學生,但喺中環又正常嘅。

食落就好有住家飯feel,食物質素都高,尤其個青咖哩。咖啡唔係好濃嗰種,但啱我口味,而且拉花都睇得出用心製作,值得一試。

但個人覺得重點係食個氣氛!依家返下暑期工就知lunch break係幾重要,起碼要俾自己換個環境,有個輕鬆啲嘅氣氛。呢度係好滿足到呢個要求嘅,員工同食客都有啲交流,食客大部份都係輕鬆飲下野,食啲野,閒談下咁,唔會話好噪,燈光亦唔會話太光太暗,食完hea陣都ok。我自己就坐耐咗啲,飲下野,睇下書,係正嘅。我會話預期spend時間喺Starbucks,又越嚟越多人,不如搵下呢類餐廳,叫個brownie同咖啡。

我諗下次經開都會再嚟,都想試下啲甜品,同埋最鍾意呢度可以坐耐啲同朋友傾下計。上次無咩影相,今次影返幾張先。
41 瀏覽
0 讚好
0 留言
103 瀏覽
0 讚好
0 留言
94 瀏覽
0 讚好
0 留言
57 瀏覽
0 讚好
0 留言
279 瀏覽
0 讚好
0 留言
394 瀏覽
0 讚好
0 留言
115 瀏覽
0 讚好
0 留言
90 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-07-30
用餐途徑
堂食
人均消費
$86 (午餐)