ZENTRO (已結業)

星期五放咗工梗係要happy hour🍻去到中環諗住飲返杯嘢同食啲串燒🍢環境暗暗的好有feel，而且七點半去到都已經差唔多八成滿，非常多人！我哋叫咗一個late lunch，佢係可以至到夜晚八點都可以叫。另外仲叫咗不同串燒🍢叫咗海南雞飯，海南雞都算唔錯，雞唔「鞋」，係配油飯再加少少薑，都算用心製作而且仲配一個湯，最好係佢包飲品及沙律，真係好抵。串燒方面叫咗燒蠔，一串有兩粒，而且燒得好香，好好味，咬落去都幾juicy。燒魷魚上面有啲明太子，鹹鹹地好好食，魷魚燒得超級香，未食過咁好味嘅燒魷魚；呢個必叫！而且佢將魷魚切成一條條仔，一小啖一小啖咁樣慢慢食。鵝肝配豆腐卜，同樣出色。面上有鵝肝煎得好香脆，下面就配有豆腐卜，口感好特別。雞軟骨咬落去好爽口，面上有鹽味，調得剛剛好！好惹味！雞翼都燒得好香，有少少蜜糖味，而且雞肉嫩滑。串燒呢度真係做得好出色👍🏻埋單都係三百幾蚊兩個人，超值！