18
0
2
等級3
43
0
2020-07-06 238 瀏覽
今日難得放假,同朋友去完大館玩,見夠鐘食lunch就行左去附近嘅h code ’品’諗住食餐好嘅。當日天氣都非常炎熱,店員好快手係我哋坐低一刻已經幫我哋準備咗2杯冰水降一降暑氣,幾貼心。由於疫情關係,餐廳都準備左酒精搓手液,毛巾同紙巾俾我哋清潔雙手同放口罩。個人涼返之後先發現佢哋有好多種類嘅酒做decor , 原來佢哋平時夜晚係食wine pairing 嘅菜式,不過當日食lunch就有bento menu ,於是就叫左品味海蝦炒手打魚麵 同 原隻鮑魚花膠撈飯。佢哋每個便當餐都會附送一款茶,經過店員嘅介紹,我哋選擇左白茶同綠茶,另外仲加左$25要左個燉湯。白茶係用左雲南2019年月光白芽茶葉,聞落味道唔係太突出,第一泡茶係相對柔和,越飲就會越有陣木香味,頗有層次感。至於朋友嘅綠茶係採用四川嘅香片,一沖出嚟就已經有陣陣嘅茉莉香,飲落清香而不澀。店員為左避免茶葉因浸泡得太耐而變苦澀,每次只會沖一杯茶嘅份量。我係飲得比較多水嘅人,原本好驚尷尬,要係咁麻煩店員加水,但係店員都相當細心,會留意我哋幾時飲完,預早少少幫我哋沖定浸定茶葉,等我哋唔洗尷尬叫加水。要加分!當日嘅燉湯係准山海底椰鮑魚湯,味
更多
今日難得放假,同朋友去完大館玩,見夠鐘食lunch就行左去附近嘅h code ’品’諗住食餐好嘅。
24 瀏覽
0 讚好
0 留言


當日天氣都非常炎熱,店員好快手係我哋坐低一刻已經幫我哋準備咗2杯冰水降一降暑氣,幾貼心。
11 瀏覽
0 讚好
0 留言

由於疫情關係,餐廳都準備左酒精搓手液,毛巾同紙巾俾我哋清潔雙手同放口罩。
35 瀏覽
0 讚好
0 留言


個人涼返之後先發現佢哋有好多種類嘅酒做decor , 原來佢哋平時夜晚係食wine pairing 嘅菜式,不過當日食lunch就有bento menu ,於是就叫左品味海蝦炒手打魚麵 同 原隻鮑魚花膠撈飯。佢哋每個便當餐都會附送一款茶,經過店員嘅介紹,我哋選擇左白茶同綠茶,另外仲加左$25要左個燉湯。
34 瀏覽
0 讚好
0 留言
273 瀏覽
0 讚好
0 留言


白茶係用左雲南2019年月光白芽茶葉,聞落味道唔係太突出,第一泡茶係相對柔和,越飲就會越有陣木香味,頗有層次感。
6 瀏覽
0 讚好
0 留言


至於朋友嘅綠茶係採用四川嘅香片,一沖出嚟就已經有陣陣嘅茉莉香,飲落清香而不澀。
6 瀏覽
0 讚好
0 留言


店員為左避免茶葉因浸泡得太耐而變苦澀,每次只會沖一杯茶嘅份量。我係飲得比較多水嘅人,原本好驚尷尬,要係咁麻煩店員加水,但係店員都相當細心,會留意我哋幾時飲完,預早少少幫我哋沖定浸定茶葉,等我哋唔洗尷尬叫加水。要加分!

當日嘅燉湯係准山海底椰鮑魚湯,味道有啲似螺頭,但係比螺頭再多陣鮮甜味,非常濃郁,而且好夠熱,亦唔覺湯有落味精,湯中都有2片鮑魚,無欺場。
4 瀏覽
0 讚好
0 留言


原隻鮑魚花膠撈飯嘅便當set 有四隻細鮑魚,同少量嘅花膠做主菜,配上炒得幾有火氣同蛋香嘅炒飯,撈入濃稠嘅鮑汁,味道唔花巧,已經幾好食。另外佢亦有蒜蓉菜芯,炸蝦球,滷水豆腐同紅酒芝麻醬浸蟲草花。
菜芯唔算老,脆卜卜嘅炸蒜增加左配菜嘅口感。
炸蝦球內裏嘅蝦滑爽口有彈性,外面先鋪上藜麥再油炸,非常香口惹味。
滷水豆腐非常之入味,花椒八角嘅香味尤其突出,可惜個人對太大嘅香料味有啲抗拒,唔算太鐘意食。
紅酒芝麻醬蟲草花一如既往彈牙,醬汁方面有驚喜,一入口先係麻醬味香濃,慢慢咀嚼就有陣淡淡紅酒嘅味,香而不澀。估唔至2者都幾夾。
6 瀏覽
0 讚好
0 留言


至於朋友叫嘅’品’味海蝦炒手打魚麵都頗有鑊氣,海蝦肉質緊實,有黑椒調味。可惜手打魚麵嘅麵質係偏林嘅鯪魚肉質地,唔夠爽口彈牙,有啲失望。
6 瀏覽
0 讚好
0 留言
3 瀏覽
0 讚好
0 留言

總括而然,雖然餐廳位置有啲偏遠,不過無論係食物,環境同服務質素都相當唔錯。價格以中環午餐黎講都係中上價錢。久唔久食一次好野獎勵吓辛苦工作嘅自己。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-07-06
用餐途徑
堂食
人均消費
$250 (午餐)