一幻拉麵

中環新開嘅一幻。店內裝修簡潔。
以bar枱形式座位為主。
有出水位同叉電位。安排細心。
原本想食一幻有名嘅蝦湯。
但見到有中環店限定嘅蝦汁胡麻冷麵。
加上最近日日都三十幾度。二話不說就叫左冷麵。


拉麵底用左粗麵。掛汁能力唔錯。
胡麻汁同蝦味平衡得好好。
有好多配料。除左蝦同叉燒。
仲有切左絲嘅蛋醃蘿蔔青瓜紫菜。口感非常豐富。
個香辣甜蝦有驚喜。好有蝦味。
食完整體除左覺得好味仲好舒服。
比湯拉麵少左一份膩嘅感覺。非常適合夏天食。

蝦汁胡麻冷麵

$88