影片
更多
2024-11-03
134 瀏覽
上個禮拜週末喺中環逛街等老公辦完事，自己一個人逛嘅時候搵到呢間和牛割烹小田，決定等老公嚟搵我嘅時候，喺呢度食晚餐。呢度嘅環境真係好有氣氛，食omakase一定好爽！入面有幾樣菜色令我印象深刻，介紹俾大家。呢度嘅蔬菜牛扒真係好正，炭燒風味非常濃郁，牛扒嘅口感剛剛好，非常嫩，仲有蔬菜喺口味同口感上帶嚟嘅新鮮感，真係好食！關東煮就好鮮美，入面嘅和牛胸肉非常滑嫩，食起嚟軟軟嘅，蘿蔔亦都好甜，兩個搭配起嚟好好食。呢度仲有一道超有特色嘅壽司，上面有海膽同和牛，有住海鮮嘅鮮甜，仲有和牛嘅油香，喺外面冇乜見過。有一道飯，老公超級鍾意，飯入面有和牛、有松露、有魚子，全部都係高級食材，老公話食住特別香，每一口都係享受。然後有一盤壽喜燒，亦都係好好味，和牛肉嘅肉質好滑，煮得非常入味，然後配菜提升咗和牛嘅味道，食起嚟更加有層次。布甸好滑口，上面嘅楓糖醬唔會太甜，口味適中，老公唔食甜嘢，都話好鍾意。有一道茄子非常特別，炭燒加上冷凍嘅手法，使茄子嘅口感更加特別，而且茄子獨有嘅香味亦都被帶咗出嚟，更加明顯。仲有一道，生和牛肉片，原汁原味嘅和牛肉食起嚟非常鮮甜，仲有啲配菜增加新鮮感，食住唔會膩。老公同我食得特別開心，
呢度嘅環境真係好有氣氛，食omakase一定好爽！入面有幾樣菜色令我印象深刻，介紹俾大家。
呢度嘅蔬菜牛扒真係好正，炭燒風味非常濃郁，牛扒嘅口感剛剛好，非常嫩，仲有蔬菜喺口味同口感上帶嚟嘅新鮮感，真係好食！
關東煮就好鮮美，入面嘅和牛胸肉非常滑嫩，食起嚟軟軟嘅，蘿蔔亦都好甜，兩個搭配起嚟好好食。
呢度仲有一道超有特色嘅壽司，上面有海膽同和牛，有住海鮮嘅鮮甜，仲有和牛嘅油香，喺外面冇乜見過。
有一道飯，老公超級鍾意，飯入面有和牛、有松露、有魚子，全部都係高級食材，老公話食住特別香，每一口都係享受。
然後有一盤壽喜燒，亦都係好好味，和牛肉嘅肉質好滑，煮得非常入味，然後配菜提升咗和牛嘅味道，食起嚟更加有層次。
布甸好滑口，上面嘅楓糖醬唔會太甜，口味適中，老公唔食甜嘢，都話好鍾意。
有一道茄子非常特別，炭燒加上冷凍嘅手法，使茄子嘅口感更加特別，而且茄子獨有嘅香味亦都被帶咗出嚟，更加明顯。
仲有一道，生和牛肉片，原汁原味嘅和牛肉食起嚟非常鮮甜，仲有啲配菜增加新鮮感，食住唔會膩。
老公同我食得特別開心，非常推薦大家都嚟呢度試一下，真係物超所值！
張貼
