更多
2021-06-22
2565 瀏覽
朋友睇到Openrice 訂位有7折優惠，揀左呢間樓上法國餐廳試下。餐廳係商業大廈上面，有少少家庭式經營的感覺，當晚又有幾枱聚會、慶祝生日的，氣氛好好，聽到店員同客人傾下計，亦有關心食物質素，相當親切。🔸焗古也芝士洋蔥湯🧅$68呢個推薦！平時好少會飲洋蔥湯，因為唔係度度都整得好，試過喺其他餐廳飲過有啲苦味。今次呢度嘅洋蔥湯好香濃，甜甜地，一路飲會一路飲到芝士🧀仲有一塊多士，上面有烤過的芝士，吸收晒洋蔥湯之後都幾好食！🔸法式焗蝸牛🐌$98焗蝸牛充滿香草同牛油味，有牛油薯蓉墊底，口感軟淋，都唔錯。🔸燒蜜糖檸檬芥末籽黑毛豬排骨🐷配香蒜薯仔🥔$219豬肋骨肉質正常，但係個醬汁好出色，蜜糖芥茉醬甜甜地都好開胃。薯仔有烤焗過，仲配有黑醋沙律🥗🔸黑松露醬野菌意粉🍝$138呢個意粉係乾炒的，無咩醬汁，不過落左有好多野菌同黑松露醬，炒得好香，一上枱都聞到香味！🔸酥皮蘋果批配雲尼拿雪糕🍎🍨$78見咁抵食，我地都忍唔住叫多個甜品食下😆蘋果批批底好酥脆，酸酸甜甜的蘋果片配雪糕都幾好食🍨有甜品的晚餐簡直係錦上添花😋
🔸焗古也芝士洋蔥湯🧅$68
呢個推薦！平時好少會飲洋蔥湯，因為唔係度度都整得好，試過喺其他餐廳飲過有啲苦味。今次呢度嘅洋蔥湯好香濃，甜甜地，一路飲會一路飲到芝士🧀仲有一塊多士，上面有烤過的芝士，吸收晒洋蔥湯之後都幾好食！
🔸法式焗蝸牛🐌$98
焗蝸牛充滿香草同牛油味，有牛油薯蓉墊底，口感軟淋，都唔錯。
🔸燒蜜糖檸檬芥末籽黑毛豬排骨🐷配香蒜薯仔🥔$219
豬肋骨肉質正常，但係個醬汁好出色，蜜糖芥茉醬甜甜地都好開胃。薯仔有烤焗過，仲配有黑醋沙律🥗
🔸黑松露醬野菌意粉🍝$138
呢個意粉係乾炒的，無咩醬汁，不過落左有好多野菌同黑松露醬，炒得好香，一上枱都聞到香味！
🔸酥皮蘋果批配雲尼拿雪糕🍎🍨$78
見咁抵食，我地都忍唔住叫多個甜品食下😆蘋果批批底好酥脆，酸酸甜甜的蘋果片配雪糕都幾好食🍨有甜品的晚餐簡直係錦上添花😋
張貼
