更多
2021-09-13
993 瀏覽
中環蘇豪區位於中區半山荷里活道以南一帶既地方，如果響中環街市附近既話，就可以沿住半山自動電梯沿線，過左大館後既範圍就係蘇豪既範圍。蘇豪區出名之處除左酒吧林立外，就當然係因為響上上落落既斜路間隱藏左唔少特色餐廳。今晚小編就帶大家去呢間Uncle Pizza意大利餐廳試下佢地既手工Pizza!其實位於伊利近街街尾既Uncle Pizza，從外觀上同其他酒吧相比會比較失色，但當大家走近去睇下佢地既餐單個陣，你就會發現佢地都落左唔少工夫響細緻位上，例如每款Pizza都係有唔同既Uncle名 (唔知係咪真係由佢地所諗出黎既配搭呢!?)。雖然店舖位置唔大 (大約有4張4人枱﹑以及3張2人枱)，但設計上都見到老闆以Pizza為佢最自豪既商品，響牆上都會有以Pizza為主既拼貼圖；而梳化位方面似乎都係坐得舒服既皮梳化。事不宜遲，即刻講返小編與老公所試既食物先。始終得2個人關係，小編就決定試下Uncle Alex既Cheese Dream，而且叫多個龍蝦汁帶子扁意粉 (Linguine with Seared Hokkaido Scallops, Lobster Cream)，變左可以分享一齊食。1)
其實位於伊利近街街尾既Uncle Pizza，從外觀上同其他酒吧相比會比較失色，但當大家走近去睇下佢地既餐單個陣，你就會發現佢地都落左唔少工夫響細緻位上，例如每款Pizza都係有唔同既Uncle名 (唔知係咪真係由佢地所諗出黎既配搭呢!?)。
雖然店舖位置唔大 (大約有4張4人枱﹑以及3張2人枱)，但設計上都見到老闆以Pizza為佢最自豪既商品，響牆上都會有以Pizza為主既拼貼圖；而梳化位方面似乎都係坐得舒服既皮梳化。
事不宜遲，即刻講返小編與老公所試既食物先。始終得2個人關係，小編就決定試下Uncle Alex既Cheese Dream，而且叫多個龍蝦汁帶子扁意粉 (Linguine with Seared Hokkaido Scallops, Lobster Cream)，變左可以分享一齊食。
1) Cheese Dream (8吋，切為6件，$168)： 作為4種芝士混合而成既菜式，Cheese Dream絕對適合喜歡芝士而想要Plain Pizza既朋友。上枱個刻小編與老公最大既驚喜，就係佢既批底並唔係用大量麵粉而搓成既厚批；反之餅底係非常香脆 (唔係Pizza Hut薄批個種餅乾感覺)，變成食個陣唔會有好強既飽肚感。
Chedder Cheese及Feta Cheese作為底材既配料，令你食個陣覺得香口；Mozzarella Cheese響正中4個位置，令你拉開薄餅個陣會有拉絲效果；而Blue Cheese少少既存在響薄餅上令你食個陣會有突然既特別香味而不致有油膩感。 出色!
2) Linguine with Seared Hokkaido Scallops, Lobster Cream ($188)：用料非常足夠，除左有3粒都算幾甜既帶子 (仲要略略煎熟而令佢更有口感)外，扁意粉內亦有扁菇等配料作為配菜，令小編食個陣都會覺得充滿口感。價錢上雖然比較貴，但用料上亦唔會太遜色。
食完扁意粉及Pizza後，小編與老公都對佢地個批底念念不忙，所以都忍唔住叫多個有特色既Pizza試下! 而大家最終決定選擇Uncle Gail - Duck Duck Mango，嘗試響濃味Pizza既角度欣賞呢個批底。
3) Duck Duck Mango (8吋，切為6件，$168)：大家可能會認為鴨胸配於Pizza上會有格格不入既感覺，但其實呢個Pizza既靈魂除左偏向熟而盡量令油脂散發出黎既鴨胸外，幫助解油膩感既芒果亦都功不可沒。餅底仍然加入大量Cheddar Cheese而令人增加食慾，然後再響1開6既Pizza上加入其他配件，的確會有濃烈既味道但不致於會太咸，所以都唔錯既。
綜觀黎講，從每個Pizza既價錢黎講，可能會令人覺得好貴，但以蘇豪區既高消費模式黎講其實已經算合理呢! 位置可能會比較偏僻，所以建議大家利用手機地圖經半山自動電梯慢慢搵，由中環街市起計8-10分鐘左右就到!
張貼
