Brick by Brick (已結業)

中環蘇豪區隱世小店，馬來西亞菜酒吧餐廳! 鑫魚三寶咖哩喇沙，入口清甜不膩但又夠濃味，冇一般喇沙咁稠身！老闆好人，話湯底用上多種香料，蔬菜肉類熬煮而成，無添加味精。魚腐吸滿湯汁清甜又香魚味，魚丸魚片頭有魚味。牙菜爽脆多汁! 竟然唔係好辣，但惹味有層次，愈食愈上癮。泰式酸辣無骨鳳爪 ，幾辣下，雖然有微酸味好清新開胃，但我自己就覺得辣既後勁太強，不過食落係非常爽口。玫瑰酒煮卜卜大蜆配蒜蓉包，老闆話本身想轉menu ，好在仲食到呢樣菜式，因為真係好有驚喜呀!海蜆肥美嫩口，鮮味十足，真係隻隻都漲卜卜。個汁係玫瑰酒配合大蜆既鮮甜精華製作而成，香甜有酒既味道，沾上香脆蒜蓉包，真係好好味！brick by brick 有出現成包裝即開即煮嘅肉骨茶同咖哩喇沙，可以買返屋企慢慢嘆，好多客人都買完再買。