沙田新強記燒鵝海鮮酒家

相約朋友去食飯，近近地揀咗地點方便大家嘅大圍～ 呢間餐廳中菜幾抵食～有古式風味！～～

揀咗海鮮孖寶餐$268， 有清蒸沙巴龍躉仔及蒜蓉炒菜，套餐仲送金牌乳鴿一隻！

清蒸沙巴龍躉仔好新鮮，魚肉質結實，相當唔錯！食得出新鮮靚魚！蒜蓉炒油麥菜，勁多蒜茸，好香好好食！條條菜都有蒜蓉！乳鴿皮脆，夠香口，果然招牌菜！！

西檸雞球好大碟，脆口酸酸地，雞肉滑～
椒鹽鮮魷用避風塘風味整，香香辣辣～加個白飯食，好開胃！4個人食到飽飽，埋單$600左右，抵呀！