小食糖 (已結業)

同朋友食飯，因為唔想食太貴，所以揀左呢間睇落平平地既餐廳。餐廳裝修有特色，模仿成一間班房，周圍仲有漫畫添。枱同椅子都係學生時間個啲，好懷念啊。不過大家都知道，呢款椅子唔會話坐得好舒服。我地4個人叫左5個餐，原本以為綜合水餃只有餃子，原來有麵架囉，搞到最後好飽食剩左少少。佢個台式紅燒牛肉麵同古早味滷排骨湯麵中規中矩啦，肉同麵既比例合理。台南鹽水意麵套餐最抵食，有齊牛肉，蘿蔔同雞蛋等餸菜，而且個意麵仲好食，彈牙爽口。台式醉雞冷麵個醉雞好正，好濃酒味之餘個雞好滑，而且份量係超多。唯一唔好係個米線，一堆堆咁唔易食，但個麵都好重酒味。綜合餃子唔記得影相，一般貨色啦。