心夜來潮 (已易手) 新餐廳

今晚心血來潮想食粥，就醒起不如去三波坊呢間是潮州粥店食。一入到去覺得比附近d大牌檔坐得舒服，裝修好有中國風，第一印象唔錯！因為2個人，所以只點左個小既砂鍋粥，材料系蟹膏+海蝦，都幾大鍋，2人絕對夠食，海蝦好多，粥底清甜，好食！鐘意食海膽，所以特登叫個醬醃海膽試下，又幾特別wo，加埋落d粥度食，鹹鹹鮮鮮好夾!呢個香辣魚仔炒聖子真系好野味，聖子肉炒得唔老，汁既味道又剛剛好，贊巨型魚蛋味道好特別，同平時我地d香港魚蛋味道不一樣，但系好食既，不過皮有少少硬，可以改進。牙籤雞炸得好香脆，最鐘意系雞外面裹住一粒粒脆既漿，食企上黎時口感好好，但雞肉硬左少少，希望改進。方魚炒芥蘭夠鍋氣，芥蘭不老，方魚就好似廣東d鹹魚甘，配埋芥蘭食，好夾，不錯不錯！擂茶個名好有霸氣，其實系茶加埋d茶葉，落d鹽，再加d脆米系上面，同d熱氣既食物一齊飲就真系好夾，推薦！