全記海鮮菜館

營業中

休息中

山長水遠入到西貢，梗係要食海鮮啦。呢間野位置旺，係正係碼頭隔離，一落車，一落船都一定見到佢。門口大大隻字寫住米之蓮推介。心諗，一定唔會差得去邊啦，喺門口見佢個套餐好似好多選擇咁，點知入到要蟹冇蟹要蜆冇蜆。大排檔服務。酒店嘅價錢。兒童餐份量。心諗中中地伏。一上黎睇就見前人原來都有同樣不幸的遭遇。我地一共叫左5碟野。芝汁伊面帶有些少龍蝦殼味。BB椒鹽鮑魚。蒸帶子用貝殼上（餐牌寫元貝）。瀨尿蝦算好味BUT一人得半條。同埋蒸魚毛。最後碟菜先係重點，最新鮮冇冰鮮。最尾唯有叫飯填肚，白飯撈蒸魚豉油（讓我諗起父母兒時成日話佢地細個時窮，日日食豉油撈飯都可以好滋味）呢個毛聞好懷舊。最後叫佢上說好的水果糖水。點知話你知冇水果。糖水用BB碗裝半碗仔。大家入去前要上黎睇清楚前人俾落嘅教訓呀。