富臨酒家 (已結業)

見到報紙廣告，富臨集團晚飯有乳鴿送，又有其他推廣，於是一行3人諗住一試，換來一肚氣！個伙計一見張贈券已經唔係好高興，贈券上明明寫著每位半隻，兩位起，個伙計一開口就話冇呀，3個都係送一隻，叫我地另外叫多一隻。其實都只係$28隻，咁小家就咪做廣告！好在冇另外叫多隻，因為一啲都唔好食，唔熱皮又淋。再叫左個冬瓜盅，味噌水一盅，飲左非但冇解暑反而好口渴！差！是日推介聖子皇蒜茸粉絲，聖子連殼只有隻手掌咁長，點可能稱皇？！又韌、粉絲又鹹又硬。最好味應該係珍菌燒豆腐，起碼熱。真係唔好貪平，招呼我地有個好瘦嘅女伙計非常冇禮貌，又俾面色人睇，啲野又唔好食，我一定唔會再來！