雞匠

平時經過都好多人等位，晚市無預訂更加無機會排隊等位。難得放假經過見一個人都無，諗住買個外賣回家試下。

比錢既時候呀姐話91蚊，咦唔係有個午餐咩？呀姐話原來午餐只做星期一至五，星期六日就散叫，心諗貴小小都無所謂啦。

外賣一到手完全感覺唔到有熱氣心知不妙，反到屋企打開一試就肯定自己中左伏🤮

海南雞又鞋又無味，連雞味都無，油飯由係外觀好，食落完全無雞油香味，連飯味都無，例湯淡而無味仲要帶點苦

一定唔會再幫襯，未食過甘難食既海南雞飯，仲要價錢唔算平。

海南雞例牌大部分都係雞胸，完全無味，又鞋，連基本既雞味都無🤮

$91

油飯外觀相當唔錯，但一食落口唔好講無雞油既香味，連飯味都食唔到🤮

$15

例湯免費送既，不過要比錢既雞同飯都甘差，個湯當然都唔會好，比清水多小小咸味，但帶小小苦味🤮