影片
更多
2014-12-14
215 瀏覽
經團購買咗個二人餐，今晚去食，發覺中伏。餐廳嘅環境冇想像中好，室內部分有啲侷促，室外部分還可以，但算不上雅致。但最大問題係食物質素。個餐有個Welcome drink，點知送上嚟嘅係~好~立~克。我心感不妙，邊有人餐前飲好立克架？貪佢甜膩咩！果然往後更加唔對路。麵包硬倔倔，餐湯淡茂茂，完全飲唔出係乜嘢湯。呢兩樣嘢名義上任食，實際係食過你一定唔會返兜，因為唔好食！頭盤係雞翼、肉丸同焗蠔三選二，但焗蠔每份只有一隻（團購張相係兩隻），要兩隻蠔就要放棄雞翼同肉丸。穩陣計，我要前兩項。結果嚟到，味道還可以，算係正常少少嘅一環。跟住主菜就嚇我一驚。我哋點咗蘋果玉桂燒雞同埋豬肋骨。佢一碟過送上嚟......半隻雞又瘦又黑又乾，似「非洲雞」；份豬肋骨得三條肋條，只有參考圖片三份一。我哋醒起團購菜單話有沙律，於是問服務員，結果佢話伴喺非洲雞隔離嗰一小撮菜就係二人份量嘅沙律！我聽完真係覺得不可接受，佢就話同廚房講下，然後攞多咗一碟菜過嚟--不過只有菜，冇沙律汁！我哋勉強將兩撮沙律菜混埋一齊食咗，再去了解主菜點解咁細份。佢話團購網張相係四人餐分量。但係點解其他相係二人餐分量，淨係呢張係四人分量呢？冇解釋，只
餐廳嘅環境冇想像中好，室內部分有啲侷促，室外部分還可以，但算不上雅致。
但最大問題係食物質素。個餐有個Welcome drink，點知送上嚟嘅係~好~立~克。我心感不妙，邊有人餐前飲好立克架？貪佢甜膩咩！果然往後更加唔對路。麵包硬倔倔，餐湯淡茂茂，完全飲唔出係乜嘢湯。呢兩樣嘢名義上任食，實際係食過你一定唔會返兜，因為唔好食！
頭盤係雞翼、肉丸同焗蠔三選二，但焗蠔每份只有一隻（團購張相係兩隻），要兩隻蠔就要放棄雞翼同肉丸。穩陣計，我要前兩項。結果嚟到，味道還可以，算係正常少少嘅一環。跟住主菜就嚇我一驚。我哋點咗蘋果玉桂燒雞同埋豬肋骨。佢一碟過送上嚟......半隻雞又瘦又黑又乾，似「非洲雞」；份豬肋骨得三條肋條，只有參考圖片三份一。我哋醒起團購菜單話有沙律，於是問服務員，結果佢話伴喺非洲雞隔離嗰一小撮菜就係二人份量嘅沙律！我聽完真係覺得不可接受，佢就話同廚房講下，然後攞多咗一碟菜過嚟--不過只有菜，冇沙律汁！我哋勉強將兩撮沙律菜混埋一齊食咗，再去了解主菜點解咁細份。佢話團購網張相係四人餐分量。但係點解其他相係二人餐分量，淨係呢張係四人分量呢？冇解釋，只能硬食！
事實係呢個主菜真係「硬」食。隻雞乾「鞋」到冇朋友，兼冇乜味；個豬肋骨乾韌得嚟鹹到飛起。嗰一刻我覺得個廚師似整蠱我哋，因為真係好耐冇食過咁難食嘅西餐！甜品佢哋話改咗做蜜糖蘋果，我哋堅持要返團購菜單寫明嘅芝士餅。結果佢哋畀返芝士餅（唔知係咪外賣返嚟），質素比較正常。
成個餐埋單近$300，帳面價唔貴，但係食物質素同分量都極差，計起嚟就好搵笨。呢間餐廳畀我感覺一係就由唔識飲食嘅人頂手做，所以乜都好"蝦碌”，業餘過業餘；一係就立心用團購引人預付，敷衍交貨。我見佢團購仲賣緊，希望趕得切提醒其他食家小心。
20 瀏覽
0 讚好
0 留言
題外話/補充資料：
個廁所冇梘液，上菜速度好慢．
(以上食評乃用戶個人意見 , 並不代表OpenRice之觀點。)
張貼
