The Night Market (ELEMENTS圓方) (已結業)

喺Elements行到肚餓，見到呢間台灣嘢有好多人，咁就入黎試下。牛肉麵有肉又有筋，兩樣都煮得好腍，麵條有咬口。叫左蚵仔麵線，大腸就仲有騷味，不過啲蚵仔就好肥美。黑醬油炒飯嘅飯炒得乾身，入面有切得好細粒嘅台灣香腸😂酸菜煮魚嘅魚湯好好飲，少少辣，夠晒酸。魚就好滑，仲有好多配菜芽菜酸菜咁。香炸蚵仔酥就炸粉厚左啲，不過就好香脆。手抓餅整得乾身，唔會好油，上枱時仲係熱嘅。整體黎講呢間就係中上水平嘅台灣菜。